Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 28 марта 2017 г. Сейчасъ на порталѣ посѣтителей - 11.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

СВЯТЫЕ КИРИЛЛЪ И МЕѲОДIЙ

Мѣсяца Мая въ 11 день.
Память преподобнаго отца нашего Мефодiя епископа Морав'скаго, учителя Рус'скаго.

Преподобныи отецъ нашь Мефодiи, бѣ óтъ града Солуньскаго, отъ сановиту и богату родителю роженъ, отъ отца Льва, матере же Мáрiи. Бѣ же отъ юности юноша мудръ зѣло бесѣдою книжною и крѣпокъ тѣломъ, тѣмъ знаемъ бѣ и царемъ, имѣяше бо его царь всегда предъ собою. Егда же бысть лѣтъ двáнадесяти, постави его княземъ словяномъ, и пребысть тамо десять лѣтъ, и извыче словен'ску ıaзыку и словеса азбучная сложиста съ братомъ своимъ Кириломъ. И помысливъ себѣ скоро минувшее житiе вѣка сего, и долгое грѣшныхъ мученiе, умилися страхомъ Божiимъ, и положи санъ княжьскiи предъ царемъ, и шедъ на Олимбъскую гору, и бысть черноризецъ. Нѣкогда же царь посла брата его Кирила въ Козары, да препретъ жиды, и из'женетъ отъ земли ихъ, бяху бо козари уже прiяли жидов'скую вѣру. Кирилъ же умоли брата своего Мефодiя ити съ собою, ıaко умѣяше ıaзыкъ словен'скiи. Обыдошя же страну ту всю, и вся люди укрѣписта и увѣриста, а жиды прогнаста; и просяху словяне крещенiя, а козаре учителя, а морáвляне епископа, а волóси наставника. Воз'врати же ся Мефодiи въ Констянтинь градъ. Патрiархъ же освятивъ его епископа, и посла въ Моравы, и ту многа чюдеса сотвори; Зам'врiя же нѣкоего, родомъ козарина, а вѣрою еретика, противящася ему и хýляща вѣру Христову, обличи. И повелѣ князь Морав'скiи быти собору, и собрася жидовъ съ Зам'врiемъ двѣ тысящи мужъ, Мефодiи же единъ прiиде. Они же хýляху Христову вѣру, Мефодiи же ıaко изященъ борецъ, пророческими словесы и апостольскими реченьми, ıaко воинъ нá обѣ рýцѣ стрѣляя, на жиды и на еретики, и препре ихъ. И ту сотворися чюдо велико: Зам'врiй разсядеся, а Седислава пожре земля, а на прочихъ воз'горѣся огнь, и тако разбѣгошася. Христiяне же ради бышя, и нарекоша Мефодiя, Христова уста. Поживъ же, и въ ставости добрѣ преставися къ Богу.

Печатается по изданію: Прóлогъ [Мѣсяцъ Мартъ–Августъ]. Москва: Печатный дворъ, 7152 (06.12.1643). л. 367 об.- 368 об.

Наверхъ / Къ титульной страницѣ

0