Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - воскресенiе, 18 ноября 2018 г. Сейчасъ на порталѣ посѣтителей - 8.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ИСТОРІЯ РУССКОЙ ЦЕРКВИ

СТОГЛАВЪ.
Соборъ бывшій въ Москвѣ при Великомъ Государѣ Царѣ и Великомъ Князѣ Иванѣ Васильевичѣ (въ лѣто 7059)

ГЛАВА ДЕВЯТАЯ.
Указъ како достоитъ Божественныя службы священнику и діякону служити.

Станутъ оба вкупѣ, предъ дверьми Церковными западными въ паперти, и входъ творятъ, сотворяюще три поклоны. Діяконъ: благослови владыко; іерей благословенъ Богъ нашъ.

Таже: Царю небесный; Трисвятое, и по Отче нашъ, — іерей возгласъ, яко твое есть царство; по семъ Господи помилуй двенадцатъ. Пріидите поклонимся трижды; — таже глаголетъ тропари сія.

Радуйся двери Господня непроходимая, радуйся пречистая Дѣво, святая Владычице, и заступница міра, радуйся стѣно и покровѣ и прибѣжище граду нашему.

Подъ твою милость прибѣгаемъ Богородице Дѣво, молитвъ нашихъ не презри въ скорбѣхъ, и отъ бѣдъ избави насъ, едина чистая и благословенная.

Господи отъими отъ менѣ беззаконія моя, и прегрѣшенія моя, да достойно вниду въ достояніе Храма твоего Святаго.

Непроходимая двери, таино-знаменная благословенная Богородице Дѣво, пріими молитвы наша, и принеси Сыну своему и Богу нашему, да спасетъ тебѣ ради душа наша.

И по семъ глаголи тропарь настоящаго дне; Святаго, или Святителя, или преподобнаго Отца, или Великомученика, или Апостола, или Евангелиста.

Святый Христовъ, имя-рекъ пострадавый за Христа имѣя дерзновеніе къ Нему, моли милости о мнѣ грѣшнемъ и недостойнемъ рабѣ твоемъ священно-инокѣ или священо-іереи имя-рекъ.

И цѣлуютъ у дверей на столпѣхъ по странамъ, святыхъ Образовъ и Пречистой или кресты. И по семъ входятъ въ Церковь священникъ со діякономъ, и сотворяютъ вкупѣ къ востокомъ поклоны три, глаголюще тропарь: Пречистому твоему образу поклоняемся благій; — слава и нынѣ, Господь изъ тебѣ воплочся; дню и храму Господню; и за упокой. И кондаки сія глаголюще: знаменуются цѣлуютъ Образы. Такоже къ первой странѣ поклонъ единъ, и къ лѣвой. Такоже и отходятъ, малыми дверьми къ жертвеннику глаголюще въ себѣ тайно молитву. Господи ниспосли руку Твою съ высоты жилища Твоего, и протчее по уставу, якоже служебникъ пишетъ. И благословитъ часы говорити въ кою пору проскомисаетъ, да въ многихъ Церквахъ древянныхъ въ жертвенникѣ нѣтъ кладязя, нѣчимъ священнику руки умывати, и горну не держатъ со угольями въ чемъ укропъ грѣти, какъ теплота надобеть, во святый потиръ, и пономарь шедъ въ избу да возметъ горячіе воды изъ горшка въ кувшинецъ, или въ кувшинце всогрѣетъ да возметъ и принесетъ въ Церковь, и ту воду вливаетъ въ потиръ.

А по уставу и по чину отпѣвъ Заутреню, и понамарь со укропомъ благословляется у священника итти по воду, и шедъ на рѣку, на чистомъ ставъ мѣстѣ благословя, почерпетъ укропчикомъ воды, да пополоскавъ выльетъ опять, почерпетъ да покроетъ и принесетъ въ Церковь во святую, и поставитъ въ Жертвенникѣ до времени, и послѣ благовѣстія къ часамъ, аще древянная Церковь, и принесетъ въ горнильце горячее уголье на днѣ пепелу посыпано, и поставитъ на Жертвенникѣ. И священникъ заклавъ Агнецъ, и вливъ воду студеную со служебнымъ виномъ, или діяконъ во святый потиръ; и поставитъ укропчикъ на экарну, и устроитъ до времени, яко же достойно, а въ тотъ, укропникъ, иного ничего не вливаютъ кромѣ той воды, которою служатъ, а клядязь туто же, въ Жертвенникѣ въ трехъ дощечкахъ, къ стѣнѣ придѣлавъ, служащему священнику и діякону руки умывать.

И егда священникъ святый Агнецъ закалаетъ, и потомъ изъ малыя проскуры, и изъ другой пречитой части, вымаетъ и кладетъ отъ десныя страны Агнца, таже и изъ третей проскуры, и изъ малыя вынимаетъ, Предтечеву часть, таковуже якоже Пречистой, и полагаетъ на лѣвой странѣ Агнца, таже и прочія проскуры, вымаетъ о всякомъ Епископствѣ православныхъ, за царя и за князей, и за вся Христіяны, и за упокой, и то приношеніе кладетъ посреде подъ Агнцемъ, ниже тѣхъ частей, и священницы вымаютъ Предтечеву часть якоже изобычной проскуры малу, и кладутъ вмѣстѣ со приношеніемъ на среду, а не опрично, ино то, не по уставу и не по чину, но якоже уставъ повелѣваетъ въ служебникѣ.

Покрываются Святая двѣма покровцами, святый Агнецъ, и святый потиръ. Нѣцыи же невѣй-гласи, не разумѣюще писанія Божественнаго, и ученія не требующе, третіимъ святымъ покровомъ не покрываютъ, еже есть воздухъ, и о томъ подобаетъ вельми воспретити на безчинныя, чтобъ впредь третіимъ святымъ покровомъ покрывали, глаголюще сице: Діяконъ речетъ Господу помолимся, іерей Господи помилуй; — покрый владыко обоя святая сія, и покадитъ священникъ третій покровецъ, еже есть воздухъ, и покрываетъ глаголя покрый насъ крылу твоею.

А на Престолѣ такоже бы покровъ былъ всегда, и открывали бы во время святыя службы; а у царскихъ дверей запона бы всегда была.

Извѣстно вамъ сіе буди.

Да поищите въ достовѣрныхъ переводахъ яко да глаголется сице; во ектеніи первой: миромъ Господу помолимся изглаголати, и о Епископѣ нашемъ имя-рекъ, честнаго пресвитерства, и еже о Христѣ діяконства, и всего причта; здѣже глаголютъ не по существу, ни по служебнику, о архіепископѣ нашемъ имя-рекъ, и честнемъ его пресвитерствѣ, и то не гораздо.

Такоже и вѣрую во единаго Бога сущее глаголется, и Духа Святаго истиннаго и животворящаго, и то гораздо. Нѣцыи же глаголютъ, и въ Духа Святаго Господа истиннаго, и то не гораздо, едино глаголати или Господа, или истиннаго.

Иное сице: день весь совершенъ святъ миренъ безгрѣшенъ, испросивше себѣ, или сами себѣ, — то едина сила: — и другъ друга, и весь животъ нашъ Христу Богу предадимъ, здѣже се не по переводу сущему. Глаголетъ же, день весь совершенъ святъ миренъ и безгрешенъ, испросивше у Христа сами себѣ, и другъ друга, и то по существу тако глаголати.

Единеніе вѣры и причастіе Святаго Духа, испросивше себѣ и другъ другу, и весь животъ нашъ Христу Богу предадимъ.

Здѣ же не тако глаголется, но единеніе вѣры, и причастіе Святаго Духа, испросивше у Христа, и сами себѣ и другъ другу и протчее.

На Утреніи глаголетъ по существу переводу: благо есть исповѣдатися Господеви, и пѣти имени твоему вышній, возвѣщати заутра милость твою, и истинну твою на всяку нощь; а по самочинію же глаголетъ; а не по существу, возвѣщати заутра милость твою на всякъ день; а иніи глаголютъ, на всяко время по своему произволенію.

А истинный глаголъ, по Давыдову пророчеству, возвѣщати заутра милость твою и истинну твою на всяку нощь; да зриши во псалтыри, иже сущій переводъ. И отъ всѣхъ сихъ разсудя утвердите, во Святѣй Соборнѣй Церкви, и исправите всему міру на утверженіе, а не на соблазнъ людемъ.

Иное сице: въ первыхъ помяни Господи архіепископа нашего, имя-рекъ, его же иже даруй, сіе едина сила; святымъ твоимъ Церквамъ, и протчее; нѣцыи же не сущіе глаголютъ отъ своего произволенія, въ первыхъ помяни Господи архіепископа нашего имя-рекъ; его же даровалъ еси или далъ еси, и то не гораздо.

Источникъ: Стоглавъ, Соборъ бывшій въ Москвѣ при Великомъ Государѣ Царѣ и Великомъ Князѣ Иванѣ Васильевичѣ (въ лѣто 7059). — Лондонъ: Trübner & Co., 1860. — С. 41-44.

/ Къ оглавленію Стоглава /


Наверхъ / Къ титульной страницѣ

0