Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - воскресенiе, 20 августа 2017 г. Сейчасъ на порталѣ посѣтителей - 13.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ИСТОРІЯ РОССІИ

Опредѣленія Святѣйшаго Сѵнода.
Отъ 26 іюля 1914 года за № 6653, по Высочайшему Манифесту объ объявленіи Австріей войны Россіи.

По указу   Е г о   И м п е р а т о р с к а г о   В е л и ч е с т в а,   Святѣйшій Правительствующій Сѵнодъ имѣли сужденіе по Высочайшему Манифесту, данному 26-го іюля с. г. объ объявленіи Австріей войны Россіи.   П р и к а з а л и:   Высочайшій Манифестъ обнародовать, по сношеніи съ мѣстнымъ начальствомъ, во всѣхъ церквахъ, — въ городскихъ въ первый по полученіи текста Манифеста день, а въ сельскихъ — въ первый воскресный или праздничный день, послѣ божественной Литургіи, съ совершеніемъ молебствія ко Господу Богу, по установленному чину, о дарованіи побѣды россійскому христолюбивому воинству и войскамъ союзныхъ съ Россіей иностранныхъ державъ.




За   И м п е р а́ т о р а   и за лю́ди во вре́мя бра́ни проти́ву супоста́товъ моле́нія,
я́же подоба́етъ глаго́лати на вече́рни, на у́трени и на литургíи.

На вели́цѣй ектеніи́:

По́слѣ проше́нія: О пла́вающихъ:

О е́же не помяну́ти грѣхо́въ и беззако́ній на́шихъ, но благосе́рду и ми́лостиву бы́ти на́мъ недосто́йнымъ рабо́мъ Свои́мъ, ко всеси́льнѣй по́мощи Его́ прибѣга́ющимъ, и изба́вити на́съ отъ вра́гъ на́шихъ, Го́споду помо́лимся.

О е́же пода́ти си́лу и крѣ́пость христолюби́вому во́инству на́шему и сою́зникомъ на́шимъ, и му́жественны и непреобори́мы сопроти́въ вся́каго врага́ и супоста́та ихъ показа́ти, и рабо́мъ Свои́мъ ми́ръ и утвержде́ніе, и отъ всѣ́хъ бѣ́дъ и ну́ждъ и вра́жіихъ навѣ́товъ ско́рое свобожде́ніе дарова́ти, Го́споду помо́лимся.

О е́же ми́ръ и сла́ву утверди́ти въ земли́ на́шей, и изба́вити насъ отъ всѣ́хъ вра́жіихъ навѣ́товъ и бѣ́дственныхъ нахожде́ній, Го́споду помо́лимся.

О е́же христолюби́ваго   И м п е р а́ т о р а   на́шего и лю́ди укрѣпи́ти на враги́, крѣ́пкому во бра́нехъ, Го́споду помо́лимся.

О е́же изба́витися на́мъ: и про́чая.

На сугу́бѣй ектеніи́:

По́слѣ проше́нія: О все́мъ ихъ христолюби́вомъ во́инствѣ:

Го́споди Бо́же нашъ, си́льный и крѣ́пкій въ бра́нехъ! Смире́нно мо́лимъ Тя: пріими́ ору́жіе крѣ́пости Твоея́, и воста́ни въ по́мощь на́шу, и пода́ждь христолюби́вому во́инству на́шему и сою́зникомъ на́шимъ на супоста́ты побѣ́ду и одолѣ́ніе, мо́лимъ ти ся, услы́ши и поми́луй.

Вседержи́телю Царю́ и Го́споди, Твое́ю вседержа́вною си́лою ору́жіе супоста́тъ на́шихъ и ко́зни сокруши́, и де́рзость ихъ низложи́, побѣ́ду на ня и одолѣ́ніе рабо́мъ Твои́мъ да́руя, мо́лимъ ти ся, вседержа́вный Царю́, услы́ши и поми́луй.

Простри́ ру́ку Твою́ свы́ше, Го́споди, и косни́ся серде́цъ враго́въ на́шихъ, да обратя́тся къ Тебѣ́ Бо́гу ми́ра и лю́бящему созда́ніе Свое́: насъ же упова́ющихъ на Тя си́лою Твое́ю укрѣпи́ и́мене Твоего́ ра́ди, мо́лимся Тебѣ́, услы́ши и поми́луй.

Защи́тниче правовѣ́рныхъ, посли́ стрѣ́лы Твоя́, Го́споди, и смяте́ніе сотвори́ враго́мъ на́шимъ, блесни́ мо́лніею и разжени́ я́, посли́ си́лу Твою́ свы́ше и покори́ ихъ, и въ ру́ки вѣ́рному во́инству и   И м п е р а́ т о р у   на́шему преда́ждь, мо́лимъ ти ся, услы́ши и поми́луй.

И по возгла́сѣ, на литургíи и на моле́бнѣ, глаго́лется моли́тва сія́:

Го́споду помо́лимся. Го́споди поми́луй.

Го́споди Бо́же си́лъ, Бо́же спасе́нія на́шего, Бо́же, творя́й чудеса́ еди́нъ, при́зри въ ми́лости и щедро́тахъ на смире́нныя рабы́ Твоя́, и человѣколю́бно услы́ши и поми́луй насъ: се́ бо врази́ на́ши собра́шася на ны́, во е́же погуби́ти насъ и разори́ти святы́ни на́ша. Ты́ же, вся́ вѣ́дый, вѣ́си, я́ко непра́ведно воста́ша на ны́. Тѣ́мже грѣ́шніи и недосто́йніи въ покая́ніи со слеза́ми мо́лимся Ти: помози́ на́мъ, Бо́же, Спаси́телю на́шъ, и изба́ви на́съ сла́вы ра́ди и́мене Твоего́, да не когда́ реку́тъ врази́ на́ши: Богъ оста́вилъ есть и́хъ и нѣ́сть избавля́яй и спаса́яй и́хъ; но да увѣ́дятъ вси́ язы́ци, яко Ты́ еси́ Богъ на́шъ и мы лю́діе Твои́, подъ держа́вою Твое́ю всегда́ храни́міи. Возвесели́ се́рдце вѣ́рнаго раба́ Твоего́, Благочести́вѣйшаго, Самодержа́внѣйшаго, Вели́каго Государя́ на́шего,   И м п е р а́ т о р а   Н и к о л а́ я   А л е к с а́ н д р о в и ч а   всея́ Россíи о ми́лости Твое́й, и укрѣпи́ его си́лою Твое́ю: воста́ни въ по́мощь на́шу и разруши́ лука́выя совѣ́ты мы́слящихъ намъ зла́я; суди́ оби́дящія и побори́ борю́щія ны, правосла́вному во́инству и во́инству наро́довъ, въ сою́зѣ съ на́ми су́щихъ, пода́ждь во мно́зѣмъ дерзнове́ніи и му́жествѣ о и́мени Твое́мъ побѣди́ти: а и́мже суди́лъ еси́ положи́ти ду́ши своя́ за Вѣ́ру, Царя́ и Оте́чество, тѣмъ прости́ согрѣше́нія ихъ, и въ де́нь пра́веднаго воздая́нія Твоего́ возда́ждь вѣнцы́ нетлѣ́нія. Ты́ бо еси́ заступле́ніе, и побѣ́да, и спасе́ніе упова́ющимъ на Тя́, и Тебѣ́ сла́ву возсыла́емъ, Отцу́ и Сы́ну и Свято́му Ду́ху, ны́нѣ и при́сно и во вѣ́ки вѣко́въ. Ами́нь.

Сію́ моли́тву до сконча́нія бра́ни чте́мъ по сугу́бѣй ектеніи́ вмѣ́сто моли́твы: Го́споди Бо́же на́шъ, вели́кій и многоми́лостивый:

Источникъ: Опредѣленія Святѣйшаго Сѵнода отъ 26 іюля 1914 года за № 6653, по Высочайшему Манифесту объ объявленіи Австріей войны Россіи. // «Церковныя вѣдомости», издаваемыя при Святѣйшемъ Правительствующем Сѵнодѣ. — Еженедѣльное изданіе съ прибавленіями. — СПб. — 2 Августа 1914 года. — № 31. — С. 358-360.

Къ оглавленію раздѣла


Наверхъ / Къ титульной страницѣ

0