Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - четвергъ, 25 мая 2017 г. Сейчасъ на порталѣ посѣтителей - 15.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Патерики и житiя святыхъ —» Источники

Мѣсяца Ок'тов'рiа во 2 день.
Слово о святѣмъ Ан'дреи, како ся ему сътвори Христа ради похабьство.

При Л'вѣ цари велицемъ бѣ мужь в' Коньстян'тинѣ градѣ, именемъ Феогностъ, купи рабы многы, с ними же купи сего Ан'дрѣя, млада суща вел'ми, Словенина родомъ; бѣ же младъ и красенъ. Господинъ же его постави и предъ собою служити, и при всемъ любляшеть ѝ, и на ученіе святымъ книгамъ дасть ѝ. Въскорѣ же изучися всему, часто же хожаше по церквамъ и чтяше святыя книгы. Въ едину же нощь ста на молитву; завидѣв' же непріазнивыи дѣмонъ доброму начат'ку его, пришедъ, нача бити вел'мп въ двери храмины тоя, в нейже /л. 26 а./ уный пребываше. Ужазъ же ся отъ страха, охапися молитвы, и скоро на одрѣ възлегъ, покрыся козичиною своею. Се же видѣвъ сатана, радъ бысть, и рече ıaко къ другу своему: видиши ли сего? доселѣ и той скверненая ѣлъ есть, и уже строится и той на ны. И се рекъ, изъщезе. Отъ страха же того уснувъ твердо блаженный, и видѣ во снѣ, ıaко бѣ нѣгдѣ на позорищи, и бяше на единой странѣ множество ефиопъ, а на друзѣй странѣ множество в' бѣлыхъ ризахъ инѣхъ святыхъ мужь. Бяше же межю обою страну ıaко се уристаніе и обореніе; ефиопи бо черна нѣкоего вел'ми велика имѣюще, прашааху у з'бора бѣлоризець: нѣсть ли никогоже иже бы уристалъ, любо брал ся с чернымъ симъ? и бяшеть бо тысящ'никъ несытаго легіона. I ıaко они начали бяху хвалитися тако, и блажен'ному стоıaщу и послушающу, а бѣлориз'цемь не отвѣщающимъ, единъ нѣк'то уноша велми красенъ, слѣзъ отъ гор'нихъ, в руцѣ дер'жа три вѣн'ца: да единъ бяше украшенъ златомъ и каменіемь честнымъ, в'торый жем'чюгомъ великымъ драгымъ блистающеся, третій вельми болій обою, отъ всякаго ц'вѣта чер'влена и бѣла, отъ вѣтвіа Божіа рая исплетену, неувѣдаему николиже, та/л. 26 б./ку же красоту имѣяху, ıaкоже умъ человѣческый не можеть изрещи. Се видя Андрѣй, тужааше и тер'зааше, кацѣмъ образомъ моглъ бы в'зяти поне единъ отъ вѣнець тѣхъ. И приступи к' тому, иже видѣніемь уноша бяше: тако ти Христа, продаеши ли я? аще бо и не могу купити ихъ, но мало пождеши мене, шедъ, повѣдаю господину своему, да в'дасть ти злата, его же хощеши. Рече ему уноша, улыскаяся лицемъ: ими ми вѣру, възлюблен'не, ıaко аще ми принесеши убо и всего міра злато, не в'дам' ти отъ сего ц'вѣта ни единаго, ни тобѣ и ни иному кому, ни м'нимому твоему господину: не бо суть суетнаго свѣта, ıaкоже ты видѣши; но си суть отъ скровищь пренебесныхъ вѣн'ци Христовы, имиже ся вѣн'чають, иже черныя оны побѣжають; аще ли хощеши не единого ток'мо в'зяти, но и вся три, шедъ, борися съ ефиопомъ онѣмъ чер'нымъ: да аще ему удолѣеши, не едины си, но ины, елико можеши, краш'ша сихъ, въз'меши у мене. Се слышавъ Ан'дрѣй о словесѣ семь, дер'зновеніе взя, и рече к нему: вѣру ими ми, ıaко сътворю елико ми еси реклъ; толико научи мя клюкамъ его. Рече к нему уноша: а ты не вѣси ли клюкъ его? не ефиопи ли суть гроз'ни и страшиви и немощ'ни? да не бой/л. 26 в./ся страш'наго величест'ва и в'зора: ıaкоже зеліе гнило, тако и той есть из'гнилъ и немощенъ. Сими же словесы укрѣпляа, и пріимъ его красный онъ уноша, ıaко творяся братися с нимъ хотя, учаше его, како ся ему брати противу ефиопу, и рече ему въ ухо: егда тя возметь и начнеть вертѣти тобою, ты не мозися ужаснути, но зап'ни ему и узриши славу Божію. Изыде же абіе блаженный, да ся бореть, и рече великимъ гласомъ: иди сѣмо учер'неный, да ся боревѣ! Пришедъ же ефиопъ и грозяся въсхитити Ан'дрѣя, и нача имъ вер'тѣти на многъ часъ. И начаша ефиопи плескати, а белориз'цѣ побледѣша: мняху бо, ıaко аще ударить имъ черный онъ о землю, да ему очи искочита. Вер'тим' же около Ан'дрѣй и сътрясъ запя ему ногу, и летящу таковому дѣмону, улучися л'бу его пасти на камени, и абіе нача въпити. Радость же велика и плесканіе бѣлориз'цемъ бысть, и въсхитиша правед'ника на высоту руками своими възнака, и пачаша его лоб'зати, мажюще миромъ духовнымъ. Тог'да черніи они разыдошася всѣ с великимъ студомъ; а красный онъ уноша в'да ему честныя вен'ца, и лобзавъ его, рече: иди съ добромъ отселе, ıaко нашь еси другъ и братъ, /л. 26 г./ тецѣ уже добрый подвигъ, нагъ буди и уродъ Мене дѣля и многа добра причаст'никъ будеши въ день царства Моего. Се слышавъ блажен'ный отъ великаго с'на убудися и нача дивитися великому тому сну; і отъ того мѣста сътворися ему уродьство, и тако бысть прозраченъ отъ Божіа благодати, данныя ему о Христѣ Ісусѣ Господѣ нашемъ.

Печатается по изданiю: Великiя Минеи Четiи, собранныя всероссiйскимъ Митрополитомъ Макарiемъ. [Выпускъ четвертый:] Октябрь, дни 1-3. / Подъ редакцiей С. Н. Палаузова. – Изданiе Археографической Коммиссiи. СПб: Типографiя Императорской Академiи наукъ, 1870. – стлб. 42-45.

Наверхъ / Къ титульной страницѣ

0