Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - понедѣльникъ, 21 августа 2017 г. Сейчасъ на порталѣ посѣтителей - 8.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Патерики и житiя святыхъ —» Источники

Мѣсяца Апрѣля въ 28 день.
Память святаго отца нашего Кѵрила, епископа Туровьскаго.

Сей бѣ блаженныи Кѵрилъ, рожденъ и воспитáнъ вó градѣ Туровѣ, богату родителю сынъ. И не любяше богатьства и славы тлѣнныя мира сего, но паче все прилѣжаше Божiихъ книгъ ученiю, и добрѣ извыче Божественная Писанiя. Пó времени же пришедъ въ монастырь, и бысть мнихъ, и паче всѣхъ Богу работаше, постомъ же и бдѣнiемъ удручая тѣло свое. И сотвори себе чисто прiятелище Святому Духу и многимъ на пользу бысть, уча и поущая мнихи в' покоренiи и послушанiи быти ко игумену, и того имѣти ıaко Бога, и во всемъ его послушати. Чернецъ бо иже не имѣетъ послушанiя ко игумену, ıaкоже обѣщася, не можетъ быти спасенъ. Посемъ блаженныи на болшiя подвиги желая, въ столпъ в'шедъ затворися, и ту пребысть нѣколико время, постомъ и молитвами паче труждаяся, и многа Божественая Писанiя изложивъ, и славенъ бысть по всей странѣ той. И умоленiемъ князя и людей того града, возведенъ бысть на столъ епископьскiй отъ митрополита, поставленъ бысть епископомь граду Турову, тако нарицаему, отстоящу близъ Кiева. И добрѣ подвизався по Церкви Божiи, Ѳедóрца же за укоризну тако нарицаема, сего блаженныи Кѵрилъ отъ Божественныхъ Писанiи ересь обличи и прокля его. И Андрею Боголюбивому князю многа посланiя написа отъ еѵангельскихъ и пророческихъ указанiи, и ıaже суть на праздники Господьскiя слова, и ина многа душеполезная внихъ словеса. И си вся и ина множайшая написа и церкви предаде, и до нынѣ держатъ рус'стiи вѣрнiи людiе вся просвѣщающе и веселяще. И тако доброчестнѣ поручéнное ему стадо упасъ, преставися в' вѣчныи покой и в' бесконечныи животъ. Прiидѣте же днесь братiе, похвалимъ сего святителя глаголюще: Радуися святителю честныи и учителю, другiи Златословесныи учитель намъ в' Руси восiя паче всѣхъ. Радуися иже святымъ и пресвѣтлымъ ученiемъ своимъ концы Рус'скiя просвѣти богоразумiемъ. Молимжетися малая сiя словеса приносяще ти: моли о насъ Вседержителя, Емуже нынѣ предстоиши со дерзновенiемъ отъ настоящiя намъ бѣды избавитися, и отъ безбожныхъ агáрянъ присно мучащихъ насъ, да получѝмъ милость молитвами твоими, и грѣховъ отданiе, и присно сущихъ благъ наслажденiе, во ономъ вѣцѣ.

Печатается по изданію: Прóлогъ [Мѣсяцъ Мартъ–Августъ]. Москва: Печатный дворъ, 7152 (06.12.1643). л. 301 об.- 302 об.

Наверхъ / Къ титульной страницѣ

0