Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 17 октября 2017 г. Сейчасъ на порталѣ посѣтителей - 18.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Патерики и житiя святыхъ

Слово въ память св. Леонтія, епископа Ростовскаго.

Въ Соловецкой рукописной Четьи-Минеи № 513 и 514, подъ 23 числомъ мая, въ слѣдъ за житіемъ и чудесами св. Леонтія еп. Ростовскаго, помѣщено похвальное слово въ память его. Мы помѣщаемъ это слово здѣсь, какъ и въ рукописи, въ слѣдъ за житіемъ, въ дополненіе словъ жизнеописателя о просвѣтительныхъ заслугахъ для Россіи святителя Леонтія, такъ какъ въ немъ еще весьма живо воспоминается просвѣщеніе Ростовской области свѣтомъ Христіанства. Принимая во вниманіе, что въ словѣ говорится объ этомъ событіи, какъ еще очень недавнемъ, что здѣсь, между прочимъ, обличаются еще остатки язычества, не только «волшьбы, чародѣйства, плясанія», но и «служеніе бездушной твари яко Богу», и порокъ этотъ, также какъ въ другихъ древнихъ поученіяхъ, напримѣръ, въ поученіяхъ Серапіона, признается главною причиною физическихъ бѣдствій: бездождія, неурожая, язвъ, посылаемыхъ отъ Бога, и пр., замѣчая также очевидно древній складъ слова, языкъ, особенности грамматическихъ формъ и оборотовъ рѣчи, мы можемъ по справедливости относить это слово къ числу самыхъ древнихъ памятниковъ русской духовной письменности, и по содержанію слова полагаемъ, что оно было сказано въ день годовой памяти св. Леонтія, по открытіи его мощей (23 мая 1164 года).

Слово похвалное на пречестную паметь иже въ святых отца нашего и святаго святителя Леонтія епископа Ростовъскаго [1].

Пакы съзываетъ насъ христолюбцы свѣтлое тръжество святаго отца нашего Леонтія в великыи сеи духовныи всеосвященныи храмъ Пречистыя Богоматере Владычица нашея Богородица и Приснодѣвы Маріа. пакы присвояеть к Себѣ молебныи и всепраздньственыи праздникъ христолюбиваго множества. пакы ликоствуютъ церкви. пакы прелесть упражняется. пакы нечестіе оцѣщается. небо намъ днесь церковь Леонтіе показа небесе видимаго всякаго краснѣишу. в незаходимое солнце Христа одѣяся. не звѣзды лестныя намъ предълагая. нижé луну множащую и умаляющую. но благодать изобильну подающу. нижé облакы дождеродныя. но учителя богословца. лѣпо убо благодати и истинѣ и на новыя люди восіяти. не вливаюетъ бо по словеси Господню вина новаго ученія благодатна. в мѣхы ветхи обетшавшая. аще ли просядутся мѣси и вино прольется. ново ученіе новы мѣхи. новы языкъ. и обое соблюдется. якоже есть. вѣра благодатная по всеи земли простреся. и до нынѣшня языка рускаго изыде. іюдейское езеро исше. и еуангельскыи же источникъ наводнивъся. и всю землю покрывъ и до насъ изыде. воистнну убо великыи сеи чюдоносныи учитель яко рѣку злату быстринами и струями изливаше благодати духовныхъ источникъ. по реченному отъ Христа владыкы. иже вѣруетъ в Мя яко рѣкы истекутъ изъ чрева его воды живы. Азъ бо рече дамъ ему уста и премудрость еиже невозмогутъ противитися и отвѣщати сопротивляющеися вамъ. се бо есть воистину вода жива. юже тъ святыи преславныи учитель намъ источи. и напои всю страну нашу, и всѣмъ быти христіаномъ сътвори. малымъ и великимъ. рабомъ и свободнымъ. юношамъ и старымъ. богатымъ и убогымъ. и въ едино время убо вся земля наша возъславитъ Христа съ Отцемъ и съ Пресвятымъ Духомъ. тогда нача мракъ идольскыи отъ насъ отходити и свѣтъ благовѣріа възсія. о новых и преславных чюдесъ ихже чюднѣйше. яко идѣже умножися грѣхъ ту преизобилова благодать. идѣже бѣсовьскыя жертвы. тамо христіяньскыя церкви. идѣже діяволь ликоствоваше. тамо явися владыка Христосъ. и гдѣ дуси възгнѣждахуся. и оттуду нынѣ отгоняхуся. симъ же всѣмъ виновенъ есть. истинаго винограда здѣланникъ и превѣчнаго Слова святитель достовѣрнѣишии Леонтіе. елма убо такова предстателя ко Владыцѣ имамы. празднуемъ днесь не еллиньскы. но духовнѣ. не чреву. но души. да будетъ праздникъ святымъ достоинъ. обновленіе есть праздникъ. обновляется просвѣщенію. просвѣтимся и отвръземъ убо дѣла тмы и облечемся въ оружіе свѣта. обновимъ церковь душа нашея. а елицы въ питіи и сластехъ обветшасте. днесь бо ради благочестивыхъ обновитеся дѣяніи. елицы памятьзлобни бысте. сих отвръгше. и святительству елицы высотю обогатюющееся ради милостыня. и смиреніемъ обновляитеся днесь. яко да дѣлы благими Богови угодимъ. и угодника его почитающе. такова убо суть подвизанья святаго святителя Леонтія. тако сладко ученіе. тако добродѣтельное наказаніе. тако сладко чюдотвореніе. таковъ намъ подобаетъ архіереи преподобенъ. незлобивъ. безскверненъ. удаляяися отъ всякія злобы. сеи бо ростовъскую землю просвѣти. вся на свѣтъ изведе. церкви просвѣти. бѣсы прогна. недужныя исцѣли. не токмо въ семъ житіи сыи. но и нынѣ аще кто въ бѣдѣ сыи имя его нарицая помолитъ Бога. оставляа первая съгрѣшенія. то молбами его пріемлютъ простыню. аще ли не останущеся отъ первыхъ грѣхъ своихъ. но и другыя прилагаемъ. то не послушаютъ насъ святіи. ни дасть ны Богъ прощеніа. но и здѣ томитъ ранами и по въскресении муцѣ вѣчнѣи предасть. да се вѣдуще братіе. всякия злобы оцѣщаемся. студодѣянія и всея нечистоты. и лихоиманiя и клеветы. и зависти. лукавьствіа. татьбы обиды. чародѣиство. волшьбы. плясаніа. имиже бѣсом угодія творимъ. но та вся злобы оставляюще. приверзѣте я тому бѣсу. и пріимѣте сладостно Христову заповѣдь. иже рече. не убіи. не укради. лжи послухъ не буди. не прелюбы твори. не восхити чужаго обидою. чьти отца своего и матерь. люби ближняго своего яко самъ себе. страхомъ и трепетомъ почти Христа. якоже тя тои почте. отъ небытія въ бытіе тя приведъ. и тобе ради все сотвори. видимаа же и невидимаа небо и землю. солнце и мѣсяцъ и звѣзды. море. и рѣкы. и киты. источникы. звѣріе и птицы. и вся четвероногая сотвори. да тя възведеть в первое раиское мѣсто. но ты того оставивъ служиши твари бездушнои яко Богу. да того ради бываетъ небо затворено бездождія. плодомъ пагуба. ова сланою. ова градомъ. ова язвами различными. ихже избудемъ. милосердіе Божіе утѣшающе. не въздающе зла за зло. ни клеветы за клевету. управляюще нози свои право къ церкви. и слышанаа в неи незабываи; алчныя напитаи. и жадныя напои. нагыя одѣваи. странныя пріемли. болныхъ посѣщаи. нищая введи в домъ свои. сиротамъ буди во отца мѣсто. аще ли сія соблюдеши, будеши сынъ свѣта и причастникъ царствія небеснаго. и причтешися къ святымъ ликомъ. якоже сеи святыи отець нашь и чюдотворець Леонтіи. иже въ смерти житіе сътвори си. Тѣмъже по лѣпотѣ почитающе паметь его. прилежно того умолимъ глаголюще. о Христовъ святителю и служителю и друже. многую отъ него прія благодать и дръзновеніе. купно молимся вси вѣрніи. пречестную память твою празднующе по силѣ нашеи. и къ рацѣ мощеи твоихъ приступающимъ. молимъ слезно. яко да молитвами избавимся отъ глада и пагубы. и нахоженіа иноплеменныхъ. и всяческихъ бѣдъ. и здѣ богоугодно и праведно поживемъ. и въ будущемъ вѣцѣ со всѣми праведными и Богу угождьшими. да будемъ обещници вѣчныхъ благъ. славяще Господа Бога и Спаса нашего Ісуса Христа. емуже подобаетъ всяка слава честь и держава. и велелѣпіе отъ ангелъ и человѣкъ. съ безначальнымъ Отцемъ и съ Пресвятымъ и благимъ и животворящимъ Духомъ. и нынѣ и присно и во вѣкы вѣкомъ.

Примѣчанiе:

[1]
По языку и способу писанія предлагаемый списокъ принадлежитъ къ такъ называемой синкретической или смѣшанной рецензіи. Потому въ немъ древніе палеографическіе признаки перемѣшаны съ новыми знаками, входившими въ письменность въ XVI в.

Печатается по изданiю: Памятники Древле-Русской духовной письменности: Слово въ память св. Леонтія, епископа Ростовскаго. // Журналъ «Православный собесѣдникъ», Казань. – 1858 г. – Книга I. – с. 420-431.

Наверхъ / Къ титульной страницѣ

0