Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - понедѣльникъ, 23 октября 2017 г. Сейчасъ на порталѣ посѣтителей - 15.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Патерики и житiя святыхъ

Житіе святаго Леонтія, епископа Ростовскаго.

Древнія жизнеописанія святыхъ Русской Церкви, какъ главные, почти единственные памятники древле-русской церковно-исторической литературы, а еще болѣе, какъ богатые источники для исторіи Русской Церкви, столько же существенные и необходимые, какъ и лѣтописи, требуютъ надлежащаго, возможно – полнаго изданія по древнимъ рукописямъ. Изъ неизданныхъ древнихъ жизнеописаній русскихъ святыхъ, по порядку времени, представляются достойными вниманія житія святыхъ Леонтія (1051-1077 г.) и Исаіи (1077-1090 г.), епископовъ и просвѣтителей Ростовскихъ. Оба эти житія относятся ко второй половішѣ XII вѣка [1], и написаны, по всей вѣроятности, по случаю открытія мощей ростовскихъ святителей Леонтія и Исаіи въ 1164 году: ибо въ древности обыкновенно, при открытіи мощей святыхъ, писалисъ и краткія житія ихъ. Въ жизнеописателѣ св. Леонтія, кромѣ того, примѣтенъ современникъ Суздальскаго и Ростовскаго князя Андрея Юрьевича Боголюбскаго, при которомъ открыты мощи и котораго онъ называстъ княземъ нашимъ, въ его время повелѣвавшимъ въ Ростовѣ.

Житіе св. Леонтія мы заимствуемъ изъ Соловецкой библіотеки. Здѣсь оно является въ спискахъ двухъ редакцій. Списокъ первой, краткой редакціи, находящійся въ сборникѣ Соловецкой библіотеки подъ № 805, писанномъ въ 1558 году, и въ рукописной Минеи-Четьи, подъ № 514-мъ, писанной въ 1568-1569 году, есть, по всей вѣроятности, древнѣйшій, списанный съ первоначальной редакціи. Онъ ни въ чемъ не противорѣчитъ лѣтописямъ: извѣстіе, что «блаженный Леонтій бѣ Коньстянтина града рожение и въспитание», и свидѣтельство Кіевопечерскаго Патерика, гдѣ сказано, что св. Леонтій поставленъ епископомъ Ростовскимъ изъ Кіевопечерскаго монастыря, съ вѣроятностію могутъ быть соглашены такъ, что св. Леонтій родомъ былъ грекъ, но потомъ пришелъ въ Кіевопечерскій монастырь, подвизался въ немъ, и оттуда поставленъ епископомъ Ростовскимъ. Списокъ второй, распространенной редакціи, находящійся въ тойже рукописной Минеи-Четьи и помѣщенный въ слѣдъ за спискомъ краткой редакціи, подъ 25 числомъ мая, принадлежітъ уже позднѣйшей редакціи, и, по всей вѣроятности, редакціи ХѴІ вѣка, времени митрополита Макарія, составителя Четьи-Минеи. Этотъ списокъ въ дополнительныхъ извѣстіяхъ своихъ заключаетъ нѣсколько довольно важныхъ разногласій съ древнѣйшими извѣстіями лѣтописей и Кіевопечерскаго Патерика. Такъ въ этомъ спискѣ говорится, что св. Леонтій родился и получилъ образованіе въ Цареградѣ и въ одномъ изъ тамошнихъ монастырей подвизался; потомъ повѣствуется, какъ патріархъ Фотій, когда епископы Ростовскіе Ѳеодоръ и Иларіонъ изгнаны были язычниками, заботился о избраніи достойнаго мужа для поставленія въ епископа Ростовскаго, и наконецъ, по гласу свыше, нашелъ инока Леонтія, убѣдилъ его идти въ землю непросвѣщенную на дѣло апостольской проповѣди, и, посвятивъ его въ епископа, послалъ въ Ростовъ, «вдавъ ему весь святительскій санъ и съ клиросники». А въ Кіевопечерскомъ Патерикѣ сказано: «отъ того Печерскаго монастыря Пречистыя Богоматере мнози епископи поставлены быша, и яко свѣтила свѣтлая освѣтиша всю Русскую землю святымъ крещеніемъ: первыи Леонтіи епископъ Ростовскыи, великии святитель, егоже Богъ прослави нетлѣніемъ, и се бысть пръвыи престольникъ, егоже невѣрнии много мучивше [2]. И се третии гражданинъ бысть Рускаго міра, со онѣма Варягома, вѣнчася отъ Христа, егоже ради пострада» [3]. Кромѣ того, въ пространномъ спискѣ житія Леонтія сказано, что «святый князь Владиміръ отъ Фотія патріарха крестися, приведъ съ собою изъ грекъ прьваго митрополита Леонтія именемъ... и се бысть первыи митрополитъ въ Роуси Леонтъ». Но нынѣ уже доказано, что первымъ митрополитомъ русскимъ былъ Михаилъ (988-992 г.), а потомъ Леонтій (992-1008 г.), а патріархомъ цареградскимъ съ 983 по 996 годъ, слѣдовательно и въ то время, когда совершилось крещеніе Владиміра и Россіи, былъ не Фотій, а Николай Хризовергъ. Здѣсь мы предлагаемъ житіе св. Леонтія епископа Ростовскаго по списку первой, краткой редакціи, какъ древнѣйшей, и если не первоначальной, то ближайшей къ первоначальной, а изъ списка второй, пространной редакціи выписываемъ подъ чертой только болѣе важныя дополнительныя извѣстія.

Мѣсяца маиа въ 23 день
Обрѣтенье (честнаго тѣлесе) святаго святителя Леонтея епископа, Ростовьскаго чюдотворца [4].

Сеи бѣ блаженыи Костентина града рожение и въспитание [5]. и за премногую его добродѣтель поставленъ бысть епископом граду Ростову, имже преже бывша ту епископи Ѳеодоръ и Ларіонъ избѣгоша не терпяще невѣрия и досажения людии [6]. сеи же блаженыи укрѣпився силою крестною и помощью Всесвятыя Богородица. и пощением многим. и бдѣнием. и научи я вѣровати Христови. и чюдеса преславна съдѣявъ. отъ нихже единою вмалѣ скажем. святому убо прилежащю учению и наказающю въ церкви. и ласкающу младыя дѣти отступити отъ лести идольстеи. и вѣровати въ Святую Троицу. Отца и Сына и Святаго Духа. имъже бо старии. омрачившеся невѣрьствием своим. не внимаху учению его. якоже сам истина Христосъ рече. яко вино ново въ новы мѣхи вълияти. обое съблюдеться. аще въльеши вино ново въ мѣхи ветхы. и мѣси просядутся. обое погибнуть [7]. се блаженыи оставль старца и учаше младенца. а абие устремишася невѣрнии на святопомазаную главу. овии съ оружиемъ. а друзіи съ дреколием. яко изгнати изъ града и убити ѝ. епископъ же нимало смутися. но паче укрѣпляше сущая съ нимъ прозвитеры и дияконы. глагола им. чадца не боитеся нахожения их. не могуть бо си нам без Божия повелѣния сътворити ничтоже. и абие облечеся въ священыя ризы. и повелѣ прозвитерам и диаконом облещися в ризы. и яко пріидоша и видѣша лице его. яко лице ангелу. и абие падоша мрътвии. а друзии ослѣпоша. святыи же молитвою въстави я. здравы и цѣлы сътвори. и научи я вѣровати Христови. и крести я въ Святую Троицу Отца и Сына и Святаго Духа. и ина многа чюдеса памети достойна сотворивъ. къ Господу. егож измлада възлюби. с миром отъиде. положено бысть святое его и честное тѣло въ церкви Пречистыя Богородица. юже бѣ създалъ преже бывшии ту епископъ [8]. посемъ же многым лѣтомъ минувшим. по Божию попущению. загоряся градъ Ростовъ и погорѣ мало не весь. и церкви погорѣ Святыя Богородица [9]. и повелѣ богохранимыи и благовѣрныи князь Андрѣи. сынъ великаго князя Георгия. внукъ Володимерь създати церковь камену въ имя Пречистыя Богородица на мѣстѣ погорѣвшея церкви. и начаша копати рвы. и обрѣтоша мрътвых множество. идѣже обрѣтоша и блаженаго Исаію. и бѣ церкви мала основана и начаша людіе молитися князю Ондрѣю. а бы повелѣлъ церковь болѣ заложити. едва ж умолинъ бывъ. повелѣ воли их быти. се же все да сбудеться Богом реченое въ Святом Еуангеліи. не можетъ град укрытися верху горы стоя. и никтоже въжегъ свѣтильникъ поставляеть его под сосудом или под одром. тако и сему свѣтильнику не мощно на толицѣ лѣтъ съкровену быти под землею. се бысть всемудраго Бога промысломъ. ископающимъ ровъ преднѣи стѣнѣ. и обрѣтоша гробъ. и бѣ покровенъ двѣма досками. и людем недоумѣющимся и отвръзоша гробъ. и вѣдѣша лице его свѣтящеся яко свѣтъ. и ризы его яко вчера облечены. о превеликое чюдо братия. толиком лѣтом минувше. неизмѣнися божественное тѣло его. но и ризы его неистлѣша. паче же и гробъ. въ немже бѣ тѣло святое. видѣвше же людие. възрадовашеся радостию великою. и послáша вѣсть ко князю Андрѣю. повѣдаша ему бывшее чюдо преславное. слышавъ же князь прослави великую мудрость Божию. и помоляся Богу глаголаше. Господѣ Исусе Христе. что ти въздамъ за вся яже въздалъ еси мнѣ. яко в сеи области. в моеи дръжавѣ. сподобилъ еси сицему съкровищу откровену быти. и поминая спасеное слово глаголаше. яко утаилъ еси отъ премудрых и разумных. и открылъ еси младенцемъ. и посла въскорѣ гробъ каменъ положити в нем тѣла святаго. идѣже и нынѣ лежать въ церкви святыя Богородица. съдѣвая преславная чюдеса и подавая исцѣлѣния с вѣрою приходящим к Пречистѣи Госпожи Богородици. и рацѣ великаго святителя Леонтея. въ славу Христу Богу нашему и въ дръжаву и побѣду христолюбивому князю. егда създаша церковь камену в Ростовѣ на мѣстѣ погорѣвшая церкви повелѣнием благочестиваго князя нашего Андрѣя. онъ же пріѣхавъ въ Ростовъ к мужем своим [10]. и поклонися блаженному и святому тѣлу Леонтееву глаголя. хвалю и славлю тя Господи Боже мои. и Пречистою Матерь Твою. яко сподобилъ мя еси сицего съкровища въ области моего царьствия видѣти. уже ничемже охужденъ есмъ. милости Твоея дарова благодати Божия о сем святѣм мужѣ и цѣлова святыя мощи и вси мужи его. и посем поставиша в рацѣ на стѣнѣ. идѣже и нынѣ лежить. и устрои свѣщи великы у гроба его. Іоанъ же епископъ праздновати устави мѣсяца маия въ 23 день. многом же исцѣлѣніем цвѣтущим отъ гроба святаго молитвами. по нѣколицѣ же времени (приспѣ) праздникъ святаго. на вечерни праздновавше людье отъидоша. вечеру же приспѣвшу. бысть въ четвертую стражу нощи. начаша ангели пѣти въ церкви Святыя Богородица. и въста святыи Леонтеи изъ гроба. и въжегоша ангели свѣщи у гроба его. а святыи Леонтеи взем кадильницу нача кадити по всеи церкви. и обоня бо воня благоухания всю церковь и весь градъ Ростовъ. пономареви же рано возбудившу. прииде ко дверем церковным. и въсхотѣ отворити и видѣ свѣтъ пречюдныи и святаго стояща пред святою трапезою руцѣ свои горѣ въздвигша. онъ же отъ страха паде на землю. не могии стояти. на дользѣ лежащу ему, посем възведе очи свои. никогоже невидѣ. но толико свѣща горяща. и шед сказа вся си епископу. и начаша утренюю. и отъ того огня въжгоша вся и прочая свѣща. по отпѣнии же утрении нѣкто отъ клирикъ въсхотѣ угасити свѣща. у цѣлбоноснаго гроба святаго святителя Леонтея. и шибе его ангелъ. и бысть разслабленъ рукама и ногама. глухъ же и нѣмъ. немогыи ся двигнути. но толико въ помыслѣ сердца глаголаше. о Госпоже Владычице Богородице Мати Христа Бога нашего. помози ми грѣшному рабу Своему. не погуби мене нечестиваго въ безакониих моих одержима. но подаждь ми руку помощи и къ свѣту възведи мя Госпоже на покаяніе. посем возведъ очи свои к гробу. слезно на сердци моляше святаго. и призываше на помощь. и посемъ възведе очи нача исповѣдати грѣхи. ко гробу святаго зря. людие же отъ страха. видѣвше чюдо се. отъидоша. епископъ же повелѣ сего ту пустити. и годъ бысть литургии. и начаша пѣти вся по реду. оному же грѣхи своя отъ рожения вся по реду сказавши. и нача молитися. отче святый. помилуи мя грѣшнаго. вѣм. милостиве. яко не презрить Богъ твоея молитвы, и прости моя съгрѣшенія. дръзнувшу таковая сътворити у твоея святыя раки. помилуи мя грѣшнаго пастырю и учителю нашъ великіи святителю Леонтіе. си ему мыслию глаголющу и ина больша сих. и егда нача диаконъ Святое Еуангелия глаголати. прииде ему гласъ глаголя. человѣче. оставляють ти ся грѣси твои. и въставъ здравъ. поклонися цѣлбоносному гробу богоноснаго отца нашего Леонтея. вси же людіе прославиша милосердаго Спаса и Пречистую Его Матерь даровавшего таку благодать граду Ростову.

Тѣмже и мы братия. мужи и жены. уни и старии. мали и велиции. истиное роженія винограда Христова не лѣнимся съвершати заповѣдии Господних. якоже рече святыми апостолы. здѣ бо апостоли не были. но ученія их протекоша конца. якоже рече Давыдъ. въ всю землю изыдоша вѣщания их и наконець вселеныя глаголи их. дѣлатель и пастух и стражь нашь възвеселится о насъ пред Господом Богом. се азъ и дѣти мои яже ми еси предалъ Господи. тѣмже братия. не лѣнитеся почтити праздника сего и похвалити своего учителя. сице глаголюще: радуися свѣтозарноя звѣзда. омраченыя освѣтивши. и мъглу грѣховною отгнавши. просвѣтивъ святым крещением и омывъ банею Святаго Духа. люди своя научи вѣровати въ Святую единуюсущную Троицу Отца и Сына и Святаго Духа. радуйся ревнителю святых апостолъ. искоренителю бѣсовьскыя льсти. хвалить римьская земля Петра и Павла, греческая земля Костентина царя. кіевьская Володимера князя. ростовьская же земля тебе великии святителю Леонтея ублажает. сътворшаго дѣло равно апостолом. радуися яко укрѣпилъ ся еси надежею вѣчных благъ с прежними почивая святители. послѣдова бо учению их и нраву. и всему правилу златоустову. не постыдно преда ся за вѣру. помоли же ся Христу Богу. емуже предстоиши. за правовѣрнаго и христолюбиваго князя нашего и за вся люди своя. нам испроси милость отъ Бога и отпущение грѣховъ. славяще Троицу. Отца и Сына и Святаго Духа.

Примѣчанiя:

[1]
См. обзоръ русской духовной литературы, преосвящ. Филарета. стр. 34.
[2]
Въ списк. печат. Пат. Сол. библ. № 629 и 633.
[3]
Печер. Пат. ркп. Солов, библ. № 629. 630. 632. 634.
[4]
По языку и способу писанія предлагаемый списокъ принадлежитъ къ такъ называемой синкретической или смѣшанной рецензіи. Потому въ немъ древніе палеографическіе признаки перемѣшаны съ новыми знаками, входившими въ письменность въ XVI в.
[5]
Въ спискѣ пространной редакціи: «Съ убо иже во святых отець нашь великыи Леонтіи. рождейся в Констянтинѣ градѣ отъ благовѣрну родителю. въспитанъ же бывъ в наученіи и в наказанiи Господни. и грамотикіа въскорѣ извыкшу ему. и възлюбивъ Христу единому работати. оставивъ мира и яже въ мирѣ. крестъ свои вземъ по заповѣди святаго Еуангелія въслѣдова радостно Христови. и вшедъ въ монастырь и бысть мних. желая большихъ подвигъ и множайши добродѣтели».
[6]
Въ простр. сп. объ нихъ сказано: «тъ убо Ѳеодоръ пришедь въ Ростовъ со княземъ Борисомъ Владимеричомъ. и тъ бысть первыи епископъ Ростову. и крести ростовъскую землю и суждальскую. и церковь постави въ Ростовѣ во имя Пречистыя Владычицы нашея Богородица и Приснодѣвица Маріа вельми чюдну. якоже послѣжде скажемъ. по сихже невозможе терпѣти многаго ради невѣрьствия и досаждения людьскаго. и не можаше ихъ до конца утвердити. еже отвратити ихъ отъ льсти идольскыа. въ познаніе истинному Богу нашему. и изгнанъ бысть отъ нихъ. патріархъ же Фотѣи избравъ отъ своего клироса Иларiона нарицаемаго. освятивъ его епископомъ постави Ростову. не стерпѣвшу же и тому пребыти въ Ростовѣ. бяху бо людіе мнози помрачишася прелестію сатаниною. не бѣша бо еще познали истнннаго Бога. възвратися пакы и тъ къ Царюграду. ничтоже успѣ».
[7]
Въ простр. сп. подробнѣе сказано: «Достигшу ему града Ростова. и видѣвъ множество народа безчислено. якож и нынѣ нами видимъ есть. и видѣвъ обдержимы многымъ невѣрьствомъ. и укрѣплься силою крестною и помощью Пресвятыя Богородица. и многимъ пощениемъ и бдѣниемъ и молитвами всенощными. и много поучивъ я вѣровати во Христа. и чюдеса преславнаа многа сотвори... они же невнимаху ученія его. и изгнаша его вонъ изъ града. и яко убо изыде изъ града, и хотяше паки ити ко Царюграду. нъ милостивыи Богъ не хотя твари Своея до конца врагомъ одержимымъ быти. нъ хотя избавити отъ устъ волка мысленаго. и всѣхъ хотя спасти и въ разумъ истины привести. ороси благодатію Святаго Своего Духа святаго Леонтія. и воспомянувъ вселенныя божественнаго пастыря и учителя Еуангелиста Іоанна глаголюща сице: пастырь добрыи душу свою полагаетъ за овца. а наимникъ нѣсть пастырь. емуже не суть овца своя. видитъ волка грядуща. оставляетъ овца и бѣгаетъ. и не радитъ о овцахъ. и рече со въздыханіемъ сице въ себѣ. лучши убо мнѣ умрети за Христа Бога моего. нежели ослушатися повѣленія Божіа и моего господина святителя патріарха. и мало убо отшедъ. близь потока нарицаемаго Брутовщица. и тамо постави себѣ церковь малу во имя святаго архистратига Михáила. и того призывая на помощь. и начатъ варити кутію. и самъ обильно подаяше приходящимъ младенцемъ. и поучаше ихъ съ любовію. и тамо убо на многы дни пребываюшу ему и поучающу по вся дни. начаша ся собирати къ нему не токмо младенци, но и старцы. и крестишася во имя Отца и Сына и Святаго Духа. паки же пришедшу святому Леонтію на мѣсто свое на епископьскыи столъ. и учащу ему непрестанно въ церкви и ласкающу младыя дѣти отступити отъ льсти идольскыя и вѣровати въ Святую Троицу Отца и Сына и Святаго Духа. понеже бо старии еще омрачишася невѣрьствіемъ своимъ. невнимаху ученія его». Далѣе также, какъ и въ краткомъ спискѣ.
[8]
Въ простр. сп: «юже бѣ создалъ Ѳеодоръ преже его бывыи епископъ отъ древъ дубовыхъ. бяше же вельми чюдна. такая же не была в Руси и потомъ не будетъ». Сл. Никон, лѣтоп. ч. 2, стр. 191.
[9]
Никон. лѣтоп., т. 2, стр. 191,
[10]
Въ кратк. спискѣ ркп. № 514: «къ Пречистой». Въ простран. спискѣ: «съ вельможи своими».

Печатается по изданiю: Памятники Древле-Русской духовной письменности: Житiе святаго Леонтія, епископа Ростовскаго. // Журналъ «Православный собесѣдникъ», Казань. – 1858 г. – Книга I. – с. 297-317.

Наверхъ / Къ титульной страницѣ

0