Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - среда, 24 мая 2017 г. Сейчасъ на порталѣ посѣтителей - 16.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Патерики и житiя святыхъ —» Источники

Мѣсяца Июля въ 25 день.
Память преподобнаго отца нашего Макарiя Желтоводскаго и Унежскаго, новаго чюдотворца.

Сей убо преподобныи отецъ нашъ Макарiи, родися в' Нижнѣмъ Новѣ градѣ отъ благочестиву родителю и благовѣрну, отца именемъ Иванна и матере Мáрiи. Бысть же отроча се отъ сосцу матере своея удивленiю достойно – егда убо бывающу къ церкви клепанiю Божественнаго пѣнiя, дѣтищь зѣло с' плачемъ кричаше; отецъ же его и мати, сего не разумѣваху, но токмо о немъ тужаху. Бывшу же нѣкоему празднику, и родителема его идущыма въ церковь молитися, а оному же по обычаю плачющу, несóста же и отроча съ собою въ церковь, онъ же утѣшися и зѣло начатъ веселитися. И тогда родителя святаго разумѣша вину плача и кричанiя его, и вó время церковнаго клепанiя посылаху его с' рабы своими въ церковь, и тогда радости наполняшеся. И пó времени в'даста его родителя в' наученiе книгамъ, и въскорѣ научися. И бысть хранитель заповѣдемъ Христовымъ, и всѣмъ человѣкомъ бысть любимъ смиренiя его ради, и прочихъ добродѣтелей. Любяше же зѣло иноческiи чинъ. Обычай же имѣя часто ходити въ Печерскiй монастырь, и со многими бесѣдоваше о спасенiи душевнѣмъ. Пó времени же остави родителя своя, отъиде въ предреченныи монастырь, и умоли пастыря обители тоя, архимарита именемъ Дiонисiя, и облечеся во иноческiи образъ, и Макарiи наречеся. И во всемъ ему повинуяся, и добрѣ подвизаяся, ıaко и всѣхъ, иже въ монастырѣ братiю, превзыде добродѣтелми. Отецъ же его и мати зѣло о немъ скорбяста, и повсюду искаста, и никако же не обрѣтоста. И по трехъ лѣтѣхъ проувѣдѣ о немъ отецъ его отъ нѣкоего мниха обители Печеръскiя, ıaко ту есть иночествуетъ, и добрѣ подвизается, скоро тече во обитель, и много моли еже ıaвитися ему. И не увѣща, токмо десную руку его цѣлова во оконцѣ подавъ, лицá же своего не ıaви. И не хотяше славимъ быти отъ человѣкъ, отъиде отътуду, и прiиде на рѣкý глаголемую Лухъ, и созда себѣ хизину, и нача ту безмолствовати, и мнози начашя к нему приходити, онъ же всѣхъ с' радостiю прiимаше. И постави на томъ мѣстѣ церковь, вó имя Господа Бога и Спаса Iсуса Христа, святаго Его Богоıaвленiя, и устрои монастырь, и собра братiю, и постави имъ пастыря. Самъ же отъиде во внутренюю пустыню, на Желтыя воды, в'скрай Волги реки, и тамо созда церковь вó имя Живоначальныя Троицы, и множество братiи собра. И тако с ними подвизася, и мнози труды полагаше, и вси иже с нимъ в любви пребываху. Нѣкогда же убо иновѣрнiи ратiю пришедше на Нижнiи Новъ градъ, и на предѣлы его, тогда нападоша и на обитель преподобнаго, и братiю убо посѣкоша мечи, обитель же огнемъ пожгошя, преподобнаго же въ плѣнъ ıaша, и приведоша его къ воеводѣ своему. Воевода же видѣвъ преподобнаго, и устыдѣся мужа добродѣтели, зане слышалъ бѣ о немъ, ıaко святъ житiемъ, и къ приведшимъ его сó гнѣвомъ рече: почто убо мужа сего оскорбисте? И въдаде свободу преподобному и съ сущими с' нимъ плѣнеными христiяны. И посемъ преподобныи прiиде с' народомъ отъ плѣненiя, кó граду глаголемому Уньжѣ, и тамо в'селися въ скрай езера, близъ рѣки Уньжи, и постави крестъ, и возгради себѣ кѣлiю, и ту подвизася работая Богу до старости. Егда же прiиде время отшествiя святаго кó Господу, обрѣтшуся преподобному вó градѣ Уньжѣ, и ту святыи преставися кó Господу. И проводивше тѣло святаго в' пустыню, идѣже живяше, и тамо погребошя è честно. Богу нашему слава, нынѣ и присно и вó вѣки вѣкомъ.

Печатается по изданію: Прóлогъ [Мѣсяцъ Мартъ–Августъ]. Москва: Печатный дворъ, 7152 (06.12.1643). л. 707.- 708 об.

Наверхъ / Къ титульной страницѣ

0