Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - суббота, 25 марта 2017 г. Сейчасъ на порталѣ посѣтителей - 18.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ПАТЕРИКИ И ЖИТIЯ СВЯТЫХЪ

Мѣсяца Маіа въ 9 день [1].
Память святаго и преподобнаго отца нашего Николы, епископа Мѵрьска, въ Баръ градъ Нѣмечьскія области принесеніе мощей. Благослови, отче
[2].

Присно убо должни есмы [3], братіе, праздникы Божіа [4] въ честь творяще [5] дръжати, подобитежеся святымь его [6] подвижно искати спасеніа, прилѣжно испытавше дръжати, како по образу Божію рукама [7] его сътворени быхомъ и славою неизреченною почтени быхомъ, угодная предъ нимъ сътворша, якоже и блаженый сей сътвори, великый словущій архіерѣй Христовъ, святый Николае, его же трапезу, братіе, нынѣ [8] предъставити, [9] отъ неа же вкусите и увѣдѣте, [10] яко благъ Господь, и благъ Господь уповающимъ нань, и благъ Господь [11] творящимъ волю его, благъ Господь любящимъ волю его, юже [12] бѣ прежде дарствовалъ [13] мѵръскому граду и области ихъ владыка нашь Христосъ, иже въ многы лѣта своея щедроты изліа на ня [14] чюдеса творяй, [15] чюдеса дивная и преславная, и цѣле неискудна. [16] Сущимъ в бѣдахъ и напастехъ велій помощникъ и заступникъ показася, по морю же и по суху, [17] болныя исцѣляа, плѣнники съвобождая, [18] слепымъ дая прозрѣніе, хромымъ хожденіе, [19] глухимъ слышаніе, [20] прокаженныя очищая, бѣсы изганяа, [21] и всѣмъ бяше всякъ, якоже рече Господь: вѣруяй въ Мя и дѣлая, иже [22] Азъ творю, и тотъ сътворитъ [23] и болша сихъ сътворитъ, яко [24] сей угодникъ его святый архіерѣй [25] Николае.

Егда же благоволи благостыню [26] и человѣколюбіе Божіе въсіати [27] солнцю правды [28] своея и явитися благодати даннѣй намъ отъ владыкы вседръжителя Бога, показа намъ [29] въ нынѣшняа времена, [30] и въ дни лѣта наша [31], и въ память нашю чюдо преславно и паче ума человѣчьска [32] о преподобнемъ [33] и велицѣмъ архіереи святѣмъ [34] Николѣ, въ тысущное лѣто и 95 [35] отъ въплощеніа самого Бога, еже въ человѣцѣхъ, отъ браконеискусомужныя [36] святыя Богородица приснодѣвица [37] Маріа, при цари Гречестѣмъ и самодръжци Констянтина града Алексѣи Комнинѣ и патріярсѣ его Николѣ [38], а въ лѣто Рускыхъ нашихъ князѣй, христолюбиваго и великаго князя нашего, Всеволода въ Кіевѣ [39] и благороднаго [40] сына его Володимера въ Черниговѣ [41]. Нашедшимъ убо Измалтескымъ людемъ [42], — еже суть Трокмени, судомъ Божіимъ и промысломъ и повелѣніемъ Вышняго, на Грѣчьскую власть [43], обону страну моря, отъ Корсуполіа [44] паченше и даже [45] и до Антіохіа и до Ерусалима [46], по всѣмь селомъ и градомъ ихъ, вся бо люди ту сущая изъсѣкоша, а жены ихъ, и чада ихъ, и имѣніа плѣниша [47], домы ихъ и полаты пожгоша огнемъ; церкви же и монастыря вся опустѣша, и еще же и грады ихъ пріаша въ область [48] свою. Тогда же и мирскый градъ Люкія пуста сътворися [49] въ немъ же лежаше тѣло [50] святаго Николы, тѣло драгое, тѣло всечестьное, тѣло чюдеса дѣя дивная и преславная [51]. Не можаше ли [52] предобродѣтельный [53] сей мужъ, дабы градъ и церкви его неопустѣла? [54] Ей можетъ убо! Но повелѣніемъ Божіимъ не противися [55], но глаголаше: Господь [56] угодная предъ очима его да сътворитъ [57], якоже и бысть. Не можаше бо презрѣти [58] угодника своего Господь нашъ Ісусъ Христосъ на пустѣ мѣстѣ лежаща [59] мощемъ [60] и ни отъ кого же славимомъ [61]; но яко же есть писано: просълавляющихь Мя, рече, прославлю, и о Мнѣ хвалящихся възнесу и славу ихъ вознесу. Бысть убо во дни ты [62] прозвитеръ благовѣрѣнъ [63] въ Барѣ градъ, Муруманьстѣ, Немечьскыя области. [64] Сему святый Никола явися, глаголя: иди рцы людемъ симъ [65] и всему събору церковному, яко да шедше възмуть [66] мя отъ Мирска града Ликіа и здѣ положать [67] мя. Не могу тамо пребывати на пустѣ мѣстѣ, и Богу тако извольшю. И тако [68] рекъ, отъиде. Утру же бывшю абіе въставъ прозвитеръ и повѣда всѣмь людемъ бывшее [69] ему отъ святаго [70]. Они же [71] слышавше, възрадовашася радостію великою и глаголаху: днесь възвеличилъ есть Господь [72] милость свою на людехъ своихъ и на градѣ нашемъ, яко сподобилъ ны есть пріати святаго угодника [73] и святителя [74] Николу. И ту тако нарядиша мужа говѣйны [75], боящася Бога, въ трехъ кораблехъ послаша [76] по [77] святаго [78]. Они же насыпавше пшеница и, творящася въ куплю отъидоша, [79] и придоша въ Антіохію, и продавше жито [80] и всю свою куплю, и купиша, что имъ угодна [81]. Вѣсть же пріимше Барянѣ, яко Венедици ту [82] суще и хотять прежде ихъ: шедше [83] и взяти [84] святаго Николу, [85] ускориша, и идоша [86] абіе [87] въ Ликіи, градъ мѵрьскый, и присташа въ лимени градстѣмъ [88]. Совѣть же сътворше, еже на спасеніе имъ и граду ихъ, и вземше оружіе свое и внидоша въ градъ Мѵрскый и въ церковь святаго Николы, и обрѣтоша в ней четыре черноризоца, и въпросиша ихъ, глаголюще: гдѣ лежитъ святый Николае? И показаше имъ тіи, гдѣ лежаше святый. [89] Они же раскопаша весь помостъ цѣрковный и обрѣтоша рааку, [90] полну мира, и изліа [91] мѵро въ корчагы, и мощи его взяша [92] съ радостію, и несоша и въ корабль свой, и отплыша отъ брега въ море. И преждереченныхъ чернецѣ два убо остастася [93] въ Мѵрѣхъ, а два идоста съ мощьми святаго Николы [94] въ Баръ, въ градъ немечьскый, обону страну моря. И отъидоша отъ града Мирьска мѣсяца апрѣля въ 11 день, и доидоша Бара града [95] мѣсяца маіа въ 9 день, а въ день недѣльный, [96] а въ годину вечернюю. Видевше же Барянѣ, [97] яко придоша отъ Мѵръ съ мощми святаго Ннколы, и събрашася, и изыдоша вси гражданѣ въ стрѣтеніе ему, [98] мужи и жены отъ мала и до велика, съ свѣщами и с темьяномъ, [99] и пріяша и [100] с радостію и великою [101] честію, и положиша и [102] въ церкви святаго Іоанна Преодтеча при мори.

Да послушайте, братіа, [103] молю вы, колико сътвори [104] чудесъ сватый Николае, [105] дошедъ [106] града Барска [107]. Въ недѣлю бо вечеръ приде, и заоутра въ понедѣльникъ исцѣли 40 и 7 больныхъ [108] различными недугы и болѣзньми, ины [109] главою, [110] другыя очима, [111] другыя сердцемъ и [112] чревною болѣзнію или всѣмъ тѣломъ, и стражющихъ отъ духъ нечистыхъ. А въ 3 день, въ вторникъ, исцѣли 20 и 2 больныхъ [113]; а въ среду исцѣли 20 и 9 болящихъ; въ четвергъ же за утра рано исцѣли юношу глуха и нѣма суща, имуща уже 5 лѣтъ в недузѣ томъ. И посемъ [114] явися святый Николае нѣкоемоу черноризцю духовну, [115] глаголя тако: [116] яко волею Божіею пріидохъ къ вамъ въ страну сію въ день суботный, [117] а въ часъ 9, [118] пріаша исцѣленія 10 и единъ [119] человѣкъ. Еще же и [120] по вся дни творитъ чудеса святый Николае, [121] яко же се источьникъ кипя и коньца неимый. Многа же даяніа [122] приношааху къ святому, злато же и сребро, и ризы многоцѣнныа. Видѣвше же гражданѣ преславная его чудеса, възрадовашася радостію великою зѣло, и создаша ему церковь преславну и велику сущю и красну въ имя святаго и преподобнаго отца нашего Николы, скова же [123] ему раку сребрену [124]. И въ третее лѣто принесеніа его отъ Миръ [125] и [126] послаша и къ римскому папѣжеви Герману, яко да пріидетъ съ епископы своими и съ всѣмъ клиросомъ своимъ церковнымъ и да перенесутъ [127] мощи святаго Николы; яко же и бысть. И пріидоша и взяша мощи святаго, и вложиша я въ раку сребреную, и вземше и епископы с вельможами ихъ, и несоша [128] и въ новую великую церковь его и положиша и [129] подъ олтаремъ [130] въ скровенѣ мѣстѣ, мѣсяца септевріа въ 29 день. [131] Перенесоша же [132] ветхый гробъ его, въ немъ же бѣ перенесенъ [133] отъ Мѵръ, и поставиша и [134] въ [135] церкви, и положиша же [136] в кости руку [137] его отъ мощій его, и многъ народъ людіи, приходяще, покланяхуся и целоваху [138] мощи его и ракоу святаго. Римьскій же папежь [139] Германъ, и епископи вси, и гражане вси, и людіе вси праздникъ [140] сътвориша въ тотъ день и [141] похвалоу [142], юже творятъ въ той день святому людіе вси и до сего дни. Яша же и пиша, [143] и веселишася [144] въ тотъ день, и многа даянія [145] даяше, [146] убогимъ, и тако отъидоша въ домы своя с миромъ хваляще, и славяще Бога и святаго преподобнаго угодника его [147] Николу.

Намъ же, о преблаженный [148] угодниче и архіерѣй Христовъ, милостивъ буди здѣ и въ будущемъ вѣцѣ. Къ тебѣ [149] бо уповахомъ и молимся; ты бо въ людѣхъ, [150] видимыхъ и невиднмыхъ честнѣ [151] явися. Блажень, по истине бо градъ Барьскый [152] церкви его освященаа, [153] въ ней же та възвелича [154] Господь Богъ; освяти бо та угодника своего, Вышній [155]. Ты бо всѣмъ Христіаномъ еси помощникь [156], избавляя ны отъ всѣхъ нанастей, отъ [157] бѣдъ нашихъ. И еще молимся [158], святый [159] угодниче, блаженный святителю Христовъ Николае, имаши [160] дръзновеніе къ Владыцѣ [161] молитися [162] о насъ, празднующихъ выну [163] всечестную и свѣтлую твою память [164], яко да спасени будемъ твоими молитвами, благодатію и человѣколюбіемъ единороднаго Сына [165] Господа нашего Ісуса Христа, имъ же и с нимъ же, слава и дръжава и честь и покланяніе Отцю купно и Святому Духу [166] нынѣ и присно и въ вѣкы вѣкомъ, аминь.

Примѣчанiя:
[1] Слово это извѣстно намъ по шести спискамъ. Въ двухъ изъ нихъ (Сборн. нашей библ. XVI в., № 69, л. 12, и Сборн. нашей библ. XVI в., № 2, л. 93) сочинитель ясно указываетъ и на время происхожденія слова, и на то, что самъ онъ былъ Русскій, когда, обращаясь къ своимъ слушателямъ и читателямъ, говоритъ о перенесеніи св. мощей слѣдующее: «показа намъ (Богъ) въ нынѣшняя времена, и въ дни лѣта наша, и въ память нашю, чюдо преславно и наче ума человѣческа о преп. и велицѣмъ архіереи, святѣмъ Николѣ, въ тысящное лѣто и 95-е, ...при цари гречестѣмъ Алексѣи Комнинѣ и патріарсѣ его Николѣ, а въ лѣто рускыхъ нашихъ князей, христолюбиваго и великаго князя нашего Всеволода въ Кіевѣ и благороднаго сына его Володимера въ Черниговѣ». Въ двухъ другихъ спискахъ (Торжеств. Румянц. Музеум. XV в. № 435, л. 344, и XVI в. № 436, л. 217) есть только указаніе на время происхожденія слова, но нѣтъ уже указанія на сочинителя, и говорится: «показа намъ (Богъ) въ нынѣшнее время, въ нашю память, въ наша лѣта, въ дни…». Наконецъ въ двухъ остальныхъ спискахъ (Сборн. нашей библ. XVII в., № 4, л. 156, и XVIII в. № 14, л. 136) не сохранилось указанія ни на время происхожденія слова, ни на сочинителя. На основаніи этого слова составлены и извѣстныя повѣствованія о перенесеніи мощей святителя Николая въ городъ Баръ, вошедшія въ составъ печатнаго Пролога и Чети-минеи подъ 9 числ. Мая, но только съ большими перемѣнами. Годъ перенесенія св. мощей въ спискахъ слова показанъ различно, можетъ быть, по ошибкѣ писцовъ: какое показаніе ближе къ истинѣ, смотр. нашу «Истор. Русск. церкви», т. II, 193, примѣч. 383. Мы напечатали это слово по двумъ первымъ изъ шести означенныхъ здѣсь списковъ. Все то, что находится въ первомъ спискѣ, но чего нѣтъ во второмъ, напечатано курсивомъ, а всѣ разности втораго списка отъ перваго помѣщены внизу подъ чертою. Этого правила мы будемъ держаться при изданіи и другихъ матеріаловъ для исторіи Русской церкви (М[акарій] Е[пископъ] X[арьковскій]).
[2] Въ другомъ спискѣ: «В тойже день слово о принесеніе мощемъ великого отца и чудотворца Николы ис Мѵръ в Баръ градъ».
[3] есмя.
[4] празник Божи.
[5] творящи въ честь.
[6] и.
[7] в Божіею рукою како.
[8] хощу вамъ.
[9] день сей.
[10] видите.
[11] надѣющимся на нь, благъ Господь.
[12] иже.
[13] далъ.
[14] нихъ и.
[15] творя.
[16] исцѣляя неоскудно, дая цѣлбы.
[17] поземли.
[18] плѣненыя избавляя.
[19] хоженіе.
[20] слышати.
[21] изгонити.
[22] дѣла, яже.
[23] творитъ.
[24] якоже.
[25] отець нашь.
[26] благодать.
[27] на ны.
[28] праведному солнцу.
[29] имъ.
[30] въ нынѣшнее время.
[31] въ дни и в лѣта наша.
[32] человѣча.
[33] о святомъ.
[34] отцѣ нашемъ.
[35] в тысящное и въ деватдесять шестое лѣто.
[36] бракунеискусимыя.
[37] и приснодѣвы.
[38] Царяграда.
[39] Киевьского.
[40] князя.
[41] Владимера черьниговьского.
[42] Измалятяномъ за наши грѣхи.
[43] область.
[44] отъ Корсуня поля.
[45] даниже.
[46] Іерусалима.
[47] поплѣниша.
[48] въ бласть.
[49] и Ликію сътвориша пусту.
[50] мощи.
[51] съдѣвая дивна и преславна.
[52] убо.
[53] святый.
[54] не оскудѣли.
[55] повелѣнію Божію непротивяся.
[56] Господи.
[57] сотвори.
[58] зрити.
[59] лежати.
[60] его.
[61] славима.
[62] сія.
[63] христолюбивъ же и праведенъ.
[64] сый.
[65] и рцы шедъ людемъ сія.
[66] возмите.
[67] положите.
[68] се.
[69] явленіе.
[70] святымъ Николаю.
[71] сіяже.
[72] Христосъ.
[73] своего.
[74] святаго.
[75] говѣйна и.
[76] идти.
[77] помощи.
[78] Николы.
[79] идти.
[80] спродавши пшеницю.
[81] искупиша себѣ, яже имъ бѣ потребная.
[82] ты.
[83] идти.
[84] Мощи.
[85] Николы и.
[86] отъидоша.
[87] и пріидоша.
[88] въ лименіи градѣ.
[89] они же сказаше: подъ мостомъ церковнымъ.
[90] раку.
[91] излиша.
[92] и раку с нямиже, въ нейже бѣша мощи святаго Николы.
[93] два же черноризца остасе.
[94] и идоша.
[95] пріидоша въ Баръ градъ.
[96] въ недѣлю.
[97] Багряня.
[98] его.
[99] ѳиміяномъ.
[100] его.
[101] и.
[102] его.
[103] моя.
[104] Богъ.
[105] святымъ Николою.
[106] отъ Мирьскаго града.
[107] въ Баръ градъ.
[108] мужей и женъ, одержимы.
[109] инъ.
[110] боля.
[111] и руками и ногама.
[112] инъ.
[113] болящихъ.
[114] потомъ.
[115] сущу святому мужу.
[116] сице.
[117] въскресный.
[118] и.
[119] единъ надесять.
[120] пакы.
[121] приходящи к немъ с вѣрою.
[122] дарованія.
[123] и сковаша.
[124] и позлащенну.
[125] въ Баръ градъ.
[126] по семъ.
[127] принесутъ.
[128] принесоша.
[129] его.
[130] въ олтари.
[131] Маіа въ 9 день.
[132] и.
[133] принесены и мощи.
[134] его.
[135] тойже.
[136] его и.
[137] кость руки.
[138] цѣлующи.
[139] папа.
[140] великъ.
[141] въ.
[142] святому.
[143] а не объяденіемъ, ни піяньствомъ.
[144] веселяся пѣніемъ духовнымъ.
[145] многу ядь.
[146] даяша.
[147] архіерея.
[148] преподобне и.
[149] на тя.
[150] всѣхъ.
[151] честнѣе.
[152] и.
[153] священная.
[154] взвеличилъ.
[155] царь.
[156] и заступникъ.
[157] и.
[158] тебѣ.
[159] и преблаженне.
[160] имаеши бо.
[161] Христу.
[162] молися.
[163] всегда.
[164] и творящимъ праздникъ принесенія твоихъ честныхъ мощей.
[165] твоего.
[166] благословенъ еси съ пресвятымъ, благымъ и животворящимъ ти Духомъ и.

Печатается по изданію: Слово о перенесеніи мощей Святителя Николая, русское сочиненіе конца XI или начала XII вѣка. // Матеріалы для исторіи Русской Церкви. Томъ I. — Харьковъ: Въ Университетской Типографіи, 1862. — С. 1-9.

Наверхъ / Къ титульной страницѣ

0