Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 17 октября 2017 г. Сейчасъ на порталѣ посѣтителей - 15.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Патерики и житiя святыхъ

Мѣсяца Сен'тября въ 19 день
Престав'леніе благовѣрнаго и Христолюбиваго князя Феодора Смоленьскаго и IЯрославьскаго, въ гради IЯрославѣ, новаго чюдотвор'ца.

Сей благовѣрный князь Феодоръ Смоленьскый и IЯрославьскій, сынъ великаго князя Ростислава, и сей изъмлада Христа възлюби и Пречистую Его Матерь; по велику же чтяше священ'ники /л. 578 в./ аки слугы Божіа, іерейскій чинъ и мнишескій вел'ми любяше, и отъ всея неправды отгребашеся, аки въинъ изященъ во в'семъ угажая своему Владыцѣ. Сей бысть, по речен'ному, отецъ сиротамъ и кор'митель в'довамъ. За умножение же грѣхъ ради нашихъ, человѣколюб'цу Богу попустив'шу на Русскую землю гнѣвъ Свой, наказуя насъ, да быхомъ осталися кождо своихь дѣлъ злыхъ, пріиде со востока царь Батый, и плени всю землю Суздальскую, и грады рускыя пож'же, слав'ный Володимеръ и Ростовь. И ту избиени быша приснопамятніи князи наши, Юрьей Всеволодичь и Василько и вси князи земли нашея. За нѣколико лѣтъ по великой тъй рати, слышавъ бо князь Феодоръ д'щерь Всеволожу въ IЯрославли, и поıaтъ ю за собя. И тако въспріатъ градъ IЯрославъ, и начатъ княжити в' немъ, дойде старости маститы в' доброденьствѣ живый богоугодно. Сей бысть по числу десятое колѣно отъ Володимера, крестив'шаго землю Рускую. Престави же ся в' черньцехъ и въ схиме в лѣто 6807-е [1298] мѣсяца Сеп'тевріа въ 18 день; пострижеся в' черньци и въ схиму благовѣрный и Христолюбивый князь Феодоръ Смоленьскый и IЯрославьскый, въ день же пяточный, въ 3 часъ дне; и удариша во в'ся ко/л. 578 г./локолы на дворѣ у Святыя Богородица, и с'течеся весь градъ на княжь дворъ отъ мала възраста и до велика, мужескъ полъ и женескъ и до с'сущихъ младенець. И ıaкоже понесоша князя с' сѣней ск'возѣ весь градъ в' манастырь святаго Спаса, и бысть плачь неутѣшимъ, ови убивахуся о землю, а иніи о мостъ градный; и не бѣ слышати гласа поющихь отъ вопля и кричаніа людскаго. И донесоша его в' монастырь, и поставиша ѝ въ притвори церковнѣмъ. И припадъ игуменъ, въпрашаше его: что пріиде, брате, припадая къ святому жер'тов'нику сему и къ святѣй дружинѣ сей? Любиши ли причетникъ быти ангельскому образу? Отвѣща блажен'ный, глаголя, въз'дѣвъ очи горѣ: радъ со всею душею, Владыко и Творче мой, работати хощу в' житіи семъ. И пакы на конець сего слова прирече: ей, честный отче! И тако со всѣмъ обѣтованіемъ изъглагола постриженіа своего. И потомъ вынесъ его игуменъ на прощеніе на дворъ, и пребысть ту день тъй; і іісповѣдаıaся предъ всѣми, еже съгрѣшилъ к' кому, или нелюбіе подер'жа на кого, или кто к' нему согрѣши и враждова на нь, всѣхъ благослови и прости, и въ в'семъ вин'на себе сотвори предъ Богомъ и человѣки. И потомъ приз'ва княгиню свою и дѣти своя, и начатъ глаголати к' нимъ о люб'ве, и учиті я и наказывати и пребывати въ съедине/л. 579 а./ніи и любве; и отвѣщавъ имъ, рече: дѣти мои! аще кто съблюдеть в' васъ слово мое, милость Божіа и благословленіе мое будеть на немъ. Аще кто не съблюдеть васъ, благословеніа моего не буди на немъ. И пакы бысть вечеръ. Наставшю же 4 часу нощи, нача тужити и скор'бѣти; и призва игумена и братію и повелѣ себе пост'рищи въ схиму; и такоже обѣтованіе въздавъ Богови и с великою вѣрою и желаніемъ духов'нымъ и любовію сердечною; и ıaкоже по пост'риженіи въ схиму, всѣхъ ту цѣловавъ, благослови и прости; и повелѣ всѣмъ изыти вонъ, ток'мо остася игуменъ и братіа. И начаша клепати утренюю, и начинающим'же им 3 славу псалтыри, и нача той изнемогати; и знаменася знаменіемъ крестнымъ, и предасть душю свою Господеви благовѣрный и Христолюбивый князь [1] Феодоръ, и приложися къ отцемъ своимъ мѣсяца Сеп'тевріа въ 19, на память святыхъ мученикъ Трофима и Саватíа и Доримента. И начаша з'вонити во всѣ колоколы, и снидеся народа множество бес'числено. Свитающи же дни бысть плачь неутѣшимъ оставляющимъ своего господина: плачются народи люд'стіи, боляре, ıaко наказателя и учителя; іерейскій же чинъ и мнишескій, ıaко кор'мителя и питателя; сироты же и в'довици, ıaко за/л. 579 б./ступ'ника и оборонителя отъ насил'ныхъ. И тако пѣв'ше надгробныя пѣсни, и положиша его у святаго Спаса и великаго чест'нѣ и благолѣпнѣ, идѣже и донынѣ лежать честныя его мощи, истачая ıaко рѣку чюдесъ приходящимъ.

О проıaвленіи мощей святыхъ чюдотвор'цовъ благовѣрныхъ князей IЯрославьскихъ Феодора и Давыда и Кон'стяньтина, в' лѣта 6971, въ градѣ IЯрославли, в' монастыри святаго Спаса, идѣже лежатъ мощи благовѣрнаго великаго князя Феодора Ростиславича Смоленьскаго и IЯрославьскаго, и сыновъ его Давыда и Кон'стянтина, въ церкви святаго Спаса, на вер'хъ земли, въ единомъ гробѣ.

Совѣтъ же створи игуменъ и весь священ'ный соборъ съ благовѣрнымъ великымъ княземъ Алексан'дромъ Федоровичемъ IЯрославьскимъ, да сошедшеся положать мощі ихъ в' землю с великою честію въ той же церкви святаго Спаса на томъ же мѣстѣ; и гроб'ницю въсхотѣша устроити камену. И егда снидошася свяшен'ници і иноци, и князь великій Алексан'дръ Феодороввчь и князи и боıaре и народа множество, и открыша мощі ихъ: тогда Господь Богъ посла милость свою на удручен'ныя ихъ кости; абие же начаша быти отъ нихъ чюдеса исцеленіа многа, Богу прославляющи своихъ угодниковъ. Игумен' же и священ'ницы и князь /л. 579 в./ Александръ и весь народъ абие видѣша такова чюдеса исцеленіа, удивишася, и прославиша Бога и Его угодниковъ, и начаша звонити и проповѣдати в'сюду див'ная ихъ чюдеса; священ'ницы и молеб'ны пѣша, и воду с мощей ихъ освятиша, и князя и народъ окропиша; с великою честію радостію и поклоняющеся, целоваху святыя ихъ мощи; многа исцѣленіа отъ нихъ приемлюще, отхождаху; и не смѣıaше положити ихъ в' землю, но в' томъ же гробѣ сокровены быша; и камень честенъ вер'ху гроба ихъ наложиша, и царьскимъ же багромъ того покрыша; и нищихъ довол'нѣ одароваша. Быша же и по сихъ многа чюдеса осѣненіемъ Святаго Духа отъ святыхъ ихъ мощей; многа же исцѣленіа и до нынѣ вѣрою приходящимъ подавають. По сих' же възвѣстиша архіепископу Трѵѳону Ростовьскому и IЯрославьскому, повѣдающе, ıaко многа чюдеса бывають і исцѣленіа у гроба святыхъ и с вѣрою приходящихъ. В' лѣто 6975 [1467], архиепископъ же Трифонъ слышавъ, ıaко многа чюдеса і исцѣленіа бывають въ градѣ IЯрославлѣ отъ мощей новоıaвленныхъ чюдотвор'цовъ, благовѣрнаго великаго князя Феодора Ростиславича Смоленьскаго и IЯрославьскаго и сыновъ его Давыда и Кон'стян'тина, и бысть невѣриемъ одер'жимъ о чюдесехъ святыхъ и неп'щева, ıaко ложь /л. 579 г./ есть; и посла въ градъ IЯрославль славити і извѣстно испытати о святыхъ ростовьскаго протопопа, именемъ Кон'стян'тина, иже бѣ мужь честенъ и сановитъ и божественному писанію рачитель и святыхъ книгъ сказатель, но естьствомъ гор'дъ бѣ; бѣ же градъ IЯрославль раз'стоıaніе имѣя отъ Ростова ıaко 60 поприщь. Приде же протопопъ Кон'стяньтинъ въ градъ IЯрославль в' монастырь святаго Спаса, идѣже лежатъ чюдотвор'ныя мощи святыхъ благовѣрныхъ князей, и въз'высися умомъ, и негодова и претя игумену, глаголя: что ради не пріиде игуменъ противу мене съ братіею? или не вѣси, ıaко протопопъ есмъ, посланъ отъ архиепископа дозрѣти вашихъ чюдотвор'цевъ, како будуть, въ тѣли ли лежать, и како исцѣленіа многа творять, истин'на ли будеть то, или лежатъ на прелесть человѣкомъ? И тако ıaряся на игумена, пойде въ церковь святаго Спаса, идеже лежать мощи святыхъ, и пріиде къ гробу, и повелѣ раку открыти, и видѣ преподобнаго князя Феодора въ иноческомъ образѣ лежаща, и сыновъ его с нимъ; и гор'дынею с невѣріемъ безумнѣ побѣжденъ, коснуся мощемъ блажен'наго князя Ѳеодора, и напрасно пор'ва плети у схимы, хотя ихъ обнаживаъ смотрити; и абие невидимо сила Божіа и святыхъ его вер'же протопопа на землю, и бысть ıaко мертвъ. И пріатъ /л. 580 а./ всѣхъ ужасть бывшихъ с нимъ, и сказаша игумену вся бывъшая; и абие игуменъ текомъ притече въ церковъ, и видѣ протопопа ıaко мертва лежаща и о немъ плачющих'ся. Игумен' же и священ'ницѣ начаша молити о немъ Господа Бога и Пречистую Его Матерь и святыхъ новоıaвленныхъ и отъ Бога прославленыхъ чюдотворцовъ и молебны пѣти о немъ, и воду освящавъ, начаша его кропити; и милостию Божіею и Пречистыя Его Матере и молитвами святыхъ нача бол'ный ıaко отъ сна пробужатися; и в себе пришедъ, нача плакати и каатися о грѣсехъ своихъ и прощеніа у игумена просити, еже невѣриемъ и безуміемъ ко святымъ чюдотвор'цемъ согрѣшивъ и на игумена нелѣпаа и съ гор'дынею глаголалъ, о всемъ томъ плача и каıaся и не хотя отступити отъ гроба святыхъ. Игумен' же и священницѣ послаша къ архіепископу в Ростовъ и възвѣстиша ему вся бывъшая. Слышавъ же сіа архиепископъ, и еще невѣриемъ къ святымъ чюдотворцемъ одер'жимъ бяаше, и внезапу абие з'дрогнувъ всѣмъ тѣломъ и бяаше разъслаб'ленъ; и помянувъ свое маловѣріе еже къ святымъ чюдотвор'цемъ, преподобному Феодору и сыновъ его Давыда и Коньстян'тина, и нача плакатися и каатися грѣхъ своихъ, остави архиепископію и повелѣ себе вести въ IЯрославль в' ма/л. 580 б./настырь святаго Спаса, идѣже лежать мощи святыхъ чюдотворцовъ. Егда же его привезоша тамо, срѣте его игуменъ и священницѣ со братіею честнѣ, и снидеся народъ, множество людій, видѣти архіепископа въ смиреномъ образѣ и благословитися отъ него. О великое чюдо, братіе! в томъ часѣ облег'ча недугъ его, и пойде о себѣ въ церковъ святаго Спаса, идеже лежатъ мощи святыхъ чюдотвор'цовъ, и начаша молебенъ пѣти; и припадая с вѣрою и со слезами к' мощемъ святыхъ, каася о своемъ согрѣшеніи и маловѣріи, и оттоле зд'равъ бысть, и даде милостыню доволну манастырю и святѣй цер'кви на создание; игумену и братіи учреди, и нищихъ довол'нѣ напитавъ и милостынею одаривъ: понеже архиепископъ сей Трѵѳонъ бѣ житіемъ чистымъ отъ юныя веръсты свѣтяшеся и в добромъ наказаніи и в пощеніи и в молитвахъ къ Богу непрестан'но пребывая; и отъ того времени из манастыря неисходимъ пребываше, ту и преставися, и погребоша его, славяще Бога и угодниковъ Его святыхъ чюдотвор'цевъ Феодора и Давыда и Кон'стяитина.

Чюдо о слѣпомъ.

Нѣкоему человѣку слѣпотою одер'жиму, именемъ Василию, славныхъ и богатыхъ родителей сынъ много время слѣпъ бысть; и многымъ врачемъ /л. 580 в./ приходящимъ к нему, но не успѣша ему ничтоже. Слышавъ же ıaже о преподобнѣмъ Феодорѣ бываемая чюдеса, и повелѣ себе вести в' манастырь святаго Спаса, идѣже чюдотвор'ци лежаху. И приведоша его къ гробу святыхъ; онъ же с вѣрою и со слезами прикоснуся к' мощемъ ихъ, и абие прозрѣ и видѣ вся ıaже въ церкве, и веліимъ гласомъ възопѣ, благодареніе въздаше святымъ о прозрѣніи своемъ; і иде в домъ свой, радуıaся и славя Бога и святыхъ чюдотвор'цовъ Феодора и Давыда и Кон'стян'тина.

Ино чюдо.

Бѣ нѣкій человѣкъ, именемъ Михáилъ, емуже зубною болѣзнію одер'жиму быв'шю, и множащуся недугу зѣло, ıaко мнѣтися челюстемъ его сокрушеномъ быти отъ належащіа болѣзни, ни сну, ни пища на многи дни не причастися. И тако ему злѣ стражющу много время, и ıaвися ему въ снѣ святый Феодоръ, глаголя: аще хощеши здравъ быти, иди в' манастырь святаго Спаса, и тамо пол'зю обрящеши. Онъ же въсп'рянувъ отъ гор'каго сна, и повелѣ себе вести в' манастырь святаго Спаса; и видѣвъ гробъ святыхъ чюдотворцовъ и припадъ с вѣрою и со слезами, и молебная съвер'шивъ, і абие исцѣленіе получи: і иде в' домъ свой, радуıaся и дивяся скорому зѣло исцѣленію своему.

Ино чюдо.

Инъ человѣкъ, Феодоръ именемъ, родомъ /л. 580 г./ бѣ града Кашина, служааше вел'можи тверьскому Борису Захарьину, ближній и любимый ему бѣ; и болѣзнь ему случися ума иступитися до толика, ıaко не вѣдущи ему, камо или куды грядеть, и многая нелѣпая глаголаше. Господину же его Борису много бысть попеченіе о немъ, понеже любимъ бѣ ему; и мнозѣ врачеве прихожааху к'нему, но ничтоже ему пол'зы створиша. Послѣжде пріиде ему въ умъ, и посла клев'реты его въ градъ IЯрославль в монастырь святаго Спаса, идѣже гробъ святыхъ чюдотвор'цовъ. Егда же быв'шю ему на пути, нападе на ня лютъ недугъ, ıaко нача и плоть свою грысти, и везущихъ его клев'ретъ своихъ ураняти, и нелѣпая глаголати; везущіи же его едва удер'жаша, наложиша ему южа желѣзныя на руци и на нозѣ и на выю. Егда же привезоша его въ градъ IЯрославль и поведоша его в' манастырь святаго Спаса, с великою нуждею водимъ бѣ шестью человѣкъ. Егда же приведоша его въ церковъ, идѣже лежатъ мощи святыхъ, архиман'дритъ же и священ'ници начаша молебенъ пѣти, молящеся о немъ Господу Богу и Пречистѣй Его Матере и святымъ чюдотворцемъ; и воду освящавъ, начаша его кропити. Онъ же молитвами святыхъ пріиде в' себе смысломъ, и нача со слезами молитися Господу Богу и Пречистѣй Его Матере и святымъ чюдотвор'цемъ, и приложися /л. 581 а./ к' мощемъ ихъ. О, неизречен'ное, братіе, чюдо! в' томъ часѣ спадоша южа желѣзны с выи бол'наго и с руку и с ногу, и абіе здравъ бысть человѣкъ и умомъ цѣлъ. Всѣ ту видѣв'ше быв'шее въскорѣ чюдо, дивишася и прославиша Бога и святыхъ его чюдотвор'цевъ Феодора и Давыда и Кон'стян'тина. Человѣкъ же исцеливый отъиде в' домъ свой здравъ, радуася и славя Бога, емуже слава и нынѣ и присно и въ вѣки вѣкомъ.

Примѣчанiе:

[1]
Въ С: «книзь великій». Въ У: «великій» приписано на полѣ другимъ почеркомъ.

Печатается по изданiю: Великiя Минеи Четiи, собранныя всероссiйскимъ Митрополитомъ Макарiемъ. Сентябрь, дни 14-24. – Изданiе Археографической Коммиссiи. СПб: Типографiя Императорской Академiи наукъ, 1869. – стлб. 1255-1261.

Наверхъ / Къ титульной страницѣ

0