Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - четвергъ, 17 августа 2017 г. Сейчасъ на порталѣ посѣтителей - 22.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Творенiя русскихъ святыхъ

Поученія Кирилла, епископа Ростовскаго (XIII вѣка).

Въ рукописномъ Измарагдѣ казанской академической (бывшей соловецкой) библіотеки [1] конца XV или начала XVI в., между разными старинными поученіями, помѣщены четыре краткихъ поученія съ именемъ св. отца Кирилла архіепископа, и просто св. отца Кирилла; именно: 1) поученіе, начинающееся словами: «духовное убо сѣмя въ вашыхъ душахъ уже первое и второе всѣялъ есмь многажды…»; 2) слово о страсѣ Божіемъ; 3) слово о небесныхъ силахъ, и 4) слово о первозданѣмъ. Въ «Обзорѣ русской духовной литературы» преосв. Филарета [2] эти поученія приписываются ростовскому епископу Кириллу, занимавшему Ростовскую каѳедру съ 1231 по 1262 г. Въ лѣтописи объ этомъ Кириллѣ сказано, что онъ «не оста ничимъже прежнихъ епископъ, вслѣдуя нравомъ ихъ и ученью, не токмо бо словомъ уча, но и дѣломъ кажа... и вся приходящая удивлеся, князя же и вельможе, всякъ возрастъ града Ростова, не токможе простьця, но и попы и игумены и весь черноризьскій чинъ, и вся приходящая изъ окрестныхъ градъ во святую сборную церковь Святыя Богородица, послушающе ученья его, яже отъ святыхъ книгъ... любовному ученью же и тщанію, прибавляетъ о себѣ лѣтописецъ, давлься сего честнаго святителя Кирилла, съ страхомъ и покореніемъ послушая, въ узцѣ мѣстѣ нѣкоемъ и невходнѣ написанію собѣ вдахъ сего перваго словесе дѣтеля написати» [3]. Изъ этихъ словъ лѣтописца можно заключать, что ростовскій епископъ Кириллъ былъ въ свое время извѣстнымъ проповѣдникомъ, ревностно и часто поучалъ народъ, на что между прочимъ указываетъ и начало одного изъ поученій: «духовное убо сѣмя въ вашыхъ душахъ уже первое и второе всѣялъ есмь многажды». Видно также, что отъ него осталось довольно много поученій. Дѣйствительно, кромѣ четырехъ выше упомянутыхъ поученій, въ «Обзорѣ русской духовной литературы» (№ 51) указано еще пять поученій, которыя могутъ быть приписаны Кириллу Ростовскому. Два изъ нихъ: «Слово о томъ, яко не забывати учителей своихъ» и «Слово о злыхъ и невѣрныхъ человѣцехъ», до сихъ поръ также нигдѣ еще не напечатаны и встрѣчаются въ разныхъ рукописяхъ. Сообщая нашимъ читателямъ пока только четыре выше упомянутыя поученія Кирилла, мы считаемъ нужнымъ замѣтить, что, кажется, не всѣ они дошли до насъ въ полномъ своемъ составѣ. Особенно два первыя поученія весьма кратки и представляются только отрывками изъ полныхъ, по всей вѣроятности, болѣе пространныхъ поученій. Въ первомъ поученіи, кромѣ того, вставлено имя самого Кирилла, о которомъ говорится въ третьемъ лицѣ: «глаголетъ Кириллъ архіепископъ»... Оба эти поученія — нравственнаго содержанія. Въ одномъ изъ нихъ проповѣдникъ убѣждаетъ своихъ слушателей — быть благодарными къ своимъ благодѣтелямъ: «не мози никто заповѣди сея преступити, еже въ бѣдѣ пособіе отъ кого пріимъ, или изрученіе отъ поганъ, или искупъ долга люта, или отъ кого ся научивъ божественнымъ книгамъ, не мози никто въ забытіи положити добро сотворшаго»; онъ внушаетъ — добро такихъ благодѣтелей постоянно держать въ умѣ и до дни исхода поминать въ своихъ молитвахъ; слова: «да не безъ пользы отъидете, бывше въ церкви», показываютъ, что поученіе это было сказано въ церкви. Въ другомъ поученіи — «О страсѣ Божіемъ» — внушается памятовать всегда о смерти и мученіяхъ, уготованныхъ грѣшникамъ. Предметъ двухъ послѣднихъ поученій составляетъ паденіе злыхъ духовъ, созданіе и грѣхопаденіе человѣка и искупленіе его Сыномъ Божiимъ. Здѣсь, между прочимъ, замѣчательна мысль, встрѣчающаяся и въ другихъ памятникахъ нашей древней письменности, что Богъ создалъ родъ человѣческій для того, чтобы восполнить имъ отпадшій отъ Него десятый чинъ ангеловъ, что для жизни рода человѣческаго на землѣ Онъ назначилъ семь тысячь лѣтъ «и что ся ихъ въ ту 7000 лѣтъ изберетъ во святыя по закону Божію жившихъ, тѣми ангельскій чинъ спадшій исполняетъ». Изложеніе всѣхъ поученій отличается особенною простотою, свойственною впрочемъ вообще всѣмъ нашимъ древнимъ сочиненіямъ.

Слово святаго отца Кирила о небесныхъ силахъ.

Отъ небытія въ бытіе благыи человѣколюбецъ Богъ сотворити міра сего (восхотѣ). первіе помысли небесныя силы. и помышленія дѣломъ исполнилъ есть. чиновъ всѣхъ десять устрои и коемуждо чину начальника и воеводу. и отъ нихъ овы постави на славословіе. иже поютъ сице. святъ святъ Господь Саваоѳъ. едини же отъ нихъ стоятъ беспрестани предъ Богомъ. иніи же беспрестани служатъ Богу. а шествіе ихъ есть скорѣе молніи. суть же овіи отъ нихъ на соблюденіе посылаеми. иже хранители суть душамъ человѣческимъ. а друзіи на помощь посылаеми. а друзіи на казнь согрѣшающимъ. зрака же ангельска и красоты ихъ не возможно есть исповѣдати человѣчи усты. Бога же ангели не видятъ. точію славу и ту по участію [4]. бѣ же старѣй ангеломъ нареченный сатанаилъ. воевода первый. и взавидѣвъ Божіей славѣ. помысли въ себѣ глаголя. поставлю престолъ мой надъ звѣздами. и буду подобенъ Вышнему. да мя славитъ чинъ сущій подо мною. Богъ же вѣдый. яко се помысли. преда Михáилу старѣйшинство. ту абіе сверже сатану Господь за гордость помысла его. по немъ же спадоша. иже бѣ подъ нимъ десят(ый) чинъ. яко песокъ просунушася съ небеси. и проразишася въ преисподняя. друзіи же на земли осташа. друзіи же на воздусѣ повѣси архангельскій гласъ. архистратигъ бо Михáилъ. сый начальникъ и воевода небесныхъ силъ. иного чина сый старѣйшина. видѣ отступника спадша съ чиномъ своимъ. звучнымъ гласомъ врѣпкимъ и страшнымъ рече. вонмемъ и гласомъ силы похвалимъ Господа. рекъ вонмемъ. яко сотворени есми на службу отъ Него. стояще предъ Богомъ. рекъ вонмемъ. съ трепетомъ служаще Богу. яко свѣтъ бысте. нынѣ же отъ свѣта обличистеся и бысте тма. рекъ вонмемъ. яко сіи загордѣвша и отпадоша и погибоша. мы же вонмечъ. яко Божіи служители страшныя Его силы. отъ тогоже гласа абіе повѣшени быша демони на воздусѣ превыше. иже погрязоша въ преисподняя суть яко глуси. не свѣдятъ бо ничтоже яже въ мірѣ. а иже отъ нихъ падоша на земли. то тіи ходятъ по земли. дѣлающи злая своими прелестьми. висящіи же ничтоже (сами) могутъ пакости сотворити. (что попуститъ Богъ) то и творятъ. самъ убо сатана старѣйшина чину естествомъ бѣ благъ. исперва не лукавъ бѣ. Богъ же преда ему землю на соблюденіе. и не могій терпѣти чести. емуже Творецъ вдастъ. и самовластною волею совратися отъ естества. и воздвижеся помысломъ на сотворшаго ѝ Бога. супротивитися ему мысля. и бысть первый отступникъ. отпаде отъ благости. и превлече съ собою свой чинъ. иже бѣ подъ нимъ. и погубиша власть силы. и уже бо оттолѣ не бѣ имъ надежи власти. якоже въ Евангеліи пишетъ. яко ни надъ свиньями власти не имутъ аще не Божіимъ попущеніемъ на что. аще же Божіимъ попущеніемъ. то премѣняются мечты творяще. а емуже есть быти. того не вѣдятъ. указуютъ бо имъ ангели посылаеми отъ Бога искушати своихъ угодниковъ. да тѣмъ честнѣйши явятся. бѣсове же прорицаютъ и къ чародѣемъ и къ волшебникомъ. то не все прямо бываетъ. понеже бо мнѣніемъ ркутъ предняя. иногда же прельщающе невѣрныя. влекуще во свою погибель. лестьми и кознми мутяще. и лжами смущаютъ умъ имъ. аще бо нѣчто улучатъ мнѣніемъ въ правду. то горши въ зло совратятъ ихъ. тѣмъ тому не подобаетъ вѣровати. но явѣ се убо есть. яко по паденіи ангеломъ тѣмъ нѣсть уже покаянія. такоже человѣкомъ по смерти. спадшій же той сатана наречеся противникъ Божій. въ негоже мѣсто постави Господь старѣйшину Михáила. спадшій же чинъ нарекошася демони. отъ нихъже отъятъ Господь славу и честь бывшюю на нихъ. и преложи я въ духъ чермности темныя. и по воздуху облетати имъ повелѣ. въ падшаго мѣсто чина десятаго умысли Богъ сотворити человѣка. да тѣхъ свѣтлость и вѣнци предасть правовѣрнымъ. иже нарицатися (имутъ) чинъ десятый. якоже бо ны указуетъ божественное писаніе глаголя. иже пострадаша за имя своего Владыки святіи пророци и апостоли и святители и преподобніи. ликъ мученическый. то тіи улучиша обѣтованія отъ Спаса. о нихъже великый апостолъ Павелъ глаголетъ. яко велика томленія и искушенія святіи подъяша. но яко и чюдесъ дѣлатели сподобишася быти. или въ ракахъ лежаще мѵроточатъ. или костію. или портиною. или власомъ бѣсы изгонятъ. но сіи послушествовани быша вѣрою. рече апостолъ Павелъ [5]. но не пріяша обѣщанія. но токмо обѣтованія улучиша славы тоя неизреченныя вѣньца пріяти. якоже свидѣтельствуетъ глаголя. Богу о насъ нѣчто лучее прозрѣвшу большее. да не безъ насъ совершатся. Богу убо наипаче о человѣчестѣмъ родѣ промышляющу. ожидающу послѣднихъ. да того ради грѣшницы трепещутъ дни того. вонже имать судити Богъ. яко геенѣ и мукамъ страшнымъ предани будутъ. праведницы же радуются о дни томъ суднемъ. имъже пріимше обѣтованія. ждутъ совершенія. да совершени отъ владыки Христа. въ ангельскій чинъ вступятъ. и Господу предстанутъ. суть же еретици глаголющи. яко діяволъ Адаму не поклонися. и за то отпаде. то нѣсть тако. діяволъ убо первіе отпаде. Адамъ же послѣди созданъ бысть. вторая тварь Божія. на се бо всякъ человѣкъ созданъ. да славитъ Бога душею. а тѣломъ покланяется Ему. ангели бо на небеси поютъ Бога. а человѣци на земли славятъ. вся бо розна суть дѣла ангеломъ со человѣки. молитва же едино естъ дѣло ангеломъ и человѣкомъ. тѣло же токмо лишше человѣкомъ. а душа ангельска подобія не видима и безплотна есть. неосяжема всѣхъ исполнена составъ человѣчь. развѣе мужства и женства. свѣтлы же паче солнца седмерицею. таковіи суть посылаеми души человѣчестіи. но не таковіи изо всѣхъ исходятъ. омрачаютъ бо ся злыми дѣлы. и сами ся погубляютъ неправдами.

Примѣчанiя:
[1]
Ркп. въ листъ подъ № 270. Всѣ эти поученія, кромѣ 3-го, находятся и въ другомъ спискѣ Измарагда тойже библіотеки XVI в. подъ № 272.
[2]
№ 51 Учен. Зап. Акад. Наукъ, кн. III.
[3]
Полн. собр. рус. лѣтоп., т. 1, стр. 193.
[4]
отчасти.
[5]
Евр. гл. 11.

Печатается по изданiю: Памятники Древле-Русской духовной письменности: Поученія Кирилла, епископа Ростовскаго (XIII вѣка). // Журналъ «Православный собесѣдникъ», Казань. – 1859 г. – Книга I. – с. 244-247, 252-256.

Наверхъ / Къ титульной страницѣ

0