Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - пятница, 24 марта 2017 г. Сейчасъ на порталѣ посѣтителей - 9.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ТВОРЕНIЯ РУССКИХЪ СВЯТЫХЪ

Преп. Кириллъ, игуменъ Бѣлозерскій († 1427 г.)
Духовная Грамота.

Во имя Святыя и Живоначальныя Троица.

Азъ грѣшный Кирило игуменъ, смотрихъ, яко постиже мя старость, впадохъ бо въ частыя и различныя болѣзни, имиже нынѣ съдержимъ есмь, человѣколюбнѣ отъ Бога казнимъ ради моихъ грѣхъ, болѣзнемъ на мя умножившимся нынѣ, якоже иногда никогдаже, и ничто же ми възвѣщающе развѣ смерть и судъ страшный Спасовъ будущаго вѣка. И во мнѣ смутися сердце мое исхода ради, и страхъ смертный нападе на мя. Боязнь и трепетъ страшнаго судища пріиде на мя, и покры мя тма недоумѣнія. Что сътворити, не съвѣмъ. Но възвергу печаль на Господа, да Той сътворитъ якоже хощетъ, хощетъ бо всѣмъ человѣкомъ спастися.

Се азъ, Кирило игуменъ, черньчищо грѣшный, пишу сію грамоту при своемъ животѣ и въ своемъ смыслѣ.

Предаю манастырь, трудъ свой и своее братьи, Богу и Пречистѣй Богородици, Матери Божіи, Царици небеснѣй, и господину князю великому, сыну своему, Андрѣю Дмитріевичю.

И сына своего благословляю въ всое мѣсто, священноинока Инокентія.

И ты, господине князь великый, Бога ради и Пречистыя деля Богородици, и своего ради спасенія, и мене ради, своего нищего грѣшна человѣка, какову еси, господине, имѣлъ любовь доселѣ къ Пречистѣй Богородици и къ нашей нищетѣ, при моемъ животѣ, тако бы еси, господине, и по моемъ животѣ имѣлъ любовь крѣпку къ Пречистѣй Богородици и сыну моему Инокентію, и къ моей братицы, которыи имутъ по моему житьицу жити, а игумена слушати.

А что еси, господине, давалъ свое жалованіе, грамоты свои, дому Пречистѣй Богородицы и моей нищетѣ, — чтобы то, господине, твое жалованіе и грамотки неподвижны были: какъ и доселѣ, господине, при моемъ животѣ, такъ бы, господине, и по моемъ животѣ было. Занеже, господине князь великій, нам, твоимъ нищимъ, нѣчимъ боронитися противу обидящихъ насъ, но токмо, господине, — Богомъ, и Пречистою Богородицею, и твоимъ, господине, жалованіемъ, нашего господина и господаря.

А тобе, господина князя великаго, сына моего, Андрѣя Дмитріевича, елика исповѣдалъ еси Богу и Пречистѣй Богородицы и мнѣ, своему отцю, яко человѣкъ, плоть нося, съгрѣшивъ, въ томъ тебе въсемъ Богъ проститъ и благословитъ. Такожде и госпожю мою дщерь, княгиню великую Ографѣну, Богъ проститъ и благословитъ. Такоже господина и сына моего, князя Ивана, Богъ проститъ и благословитъ. Такоже и госпожю и дщерь мою, княжну Анастасію, Богъ проститъ и благословитъ.

А милость Божія и Пречистыи Богородици на тобѣ, на моемъ господинѣ, князе великомъ Андрѣи Дмитріевичѣ, да будетъ, и на твоей княгинѣ великой, госпожѣ нашей Ографѣнѣ, и на вашемъ сыну, на нашемъ господинѣ, князѣ Иванѣ, и на всѣхъ вашихъ дѣткахъ и мое благословеніе, и молитва, и братьи моея.

Господине и господине, князь великый Андрѣй Дмитріевичъ! Много молю тя о сем и челомъ бью съ своею братицею по Бозѣ и по Пречистой Богородици тобѣ, своему господарю. Однова, господине игуменъ-отъ ти ся иметъ жаловати на которую братію, которые, господине, не имутъ его слушати, а по волѣ его не ходятъ, а мое житійце, грѣшна человѣка, имуть перечинивати, и азъ господина своего и господаря, тобѣ, съ слезами много молю о томъ, чтобы еси, господине, тому не попустилъ быти, а тѣхъ бы еси, господине, зчюнулъ крѣпко, кто по моему житьицю не ходитъ, а игумена не иметь слушати. И ты, господине, тѣхъ вели изъ монастыря выслати.

Печатается по изданію: Преподобные Кириллъ, Ѳерапонтъ и Мартиніанъ Бѣлозерскіе. — СПб.: «Глаголъ», 1993. — С. 185-187.

Наверхъ / Къ титульной страницѣ

0