Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - воскресенiе, 20 августа 2017 г. Сейчасъ на порталѣ посѣтителей - 16.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Творенiя русскихъ святыхъ

Слово святыхъ отецъ, како жити крестьяномъ.

Слово это уже напечатано въ «журналѣ министерства народнаго просвѣщенія» по списку XVI в. [1]. Предлагаемый нами списокъ также не позже ХѴІ в. [2], но содержитъ въ себѣ совершенно другую редакцію слова, и съ этой стороны становится особенно любопытнымъ. Извѣстно, что древніе наши составители сборниковъ и переписчики книгъ не всегда буквально переписывали встрѣчавшіяся имъ сочиненія, но весьма часто подвергали ихъ разнымъ измѣненіямъ. Оставляя въ цѣлости составъ и порядокъ сочиненія, они однакожъ не рѣдко старинныя, вышедшія изъ употребленія слова и выраженія, замѣняли новыми, одни мѣста опускали или сокращали, другія напротивъ распространяли, вставляя новыя мысли, а иногда цѣлыя рызмышленія, которыя казались лично для нихъ интересными, или имѣли особенное приложеніе къ нравамъ и потребностямъ современныхъ читателей. Это было не простое переписываніе, но особый родъ литературной дѣятельности, при которомъ переписанное сочиненіе являлось въ новомъ видѣ, съ новымъ характеромъ, получало отпечатокъ современнаго переписчику воззрѣнія, вкуса и языка. Въ древней письменности мы встрѣчаемъ весьма много такихъ передѣлокъ разныхъ сочиненій, которыя съ одной стороны, какъ порча древнихъ памятниковъ, не могутъ не поражать непріятно любителей древней письменности, а съ другой стороны не могутъ быть оставляемы и безъ вниманія, какъ любопытныя указанія на характеръ, нравы и потребности древняго времени, тѣмъ болѣе, что вполнѣ оригинальными сочиненіями весьма скудна наша древняя письменность. Къ такимъ передѣлкамъ относится и предлагаемый нами списокъ Слóва святыхъ отецъ, како жити крестьяномъ. При сравненіи его съ напечатаннымъ спискомъ открывается, что въ немъ многія мѣста измѣнены, одни сокращены, другія напротивъ распространены и вставлено много новыхъ мѣстъ, которыхъ нѣтъ въ помянутомъ спискѣ. Таковы напримѣръ любопытныя наставленія о супружествѣ, объ избѣжаніи рѣзоиманія, срамословія и пьянства, о обращеніи съ родственниками, рабами, и другія нравственныя правила жизни. Въ напечатанномъ спискѣ слово имѣетъ форму посланія, съ другимъ заглавіемъ, и оканчивается особымъ заключеніемъ, въ которомъ сочинитель говоритъ о себѣ, какъ о смиренномъ и грѣшномъ человѣкѣ; въ нашемъ спискѣ этого заключенія нѣтъ, и оно имѣетъ форму обыкновеннаго поученія. Кто былъ сочинителемъ этого слова, не извѣстно. Первымъ издателемъ оно признано за русское сочиненіе, написанное не позже XIII в.; въ «Обзорѣ русской духовной литературы» (№ 72) оно названо современнымъ старцу нижегородскаго монастыря Павлу Высокому, который скончался въ 1382 г. и былъ по лѣтописи «книжный вельми и философъ велій... писаше же книги учительныя многи и къ епископамъ посылаше». Но оно не напрасно также названо и Поученіемъ, избраннымъ отъ всѣхъ книгъ, а въ нашемъ спискѣ Словомъ святыхъ отецъ. Въ немъ весьма много мѣстъ, буквально сходныхъ (особенно по предлагаемому нами списку) не по мыслямъ только, но и по выраженіямъ, со многими поученіями, помѣщенными въ томъ же самомъ Измарагдѣ изъ котораго мы его заимствовали, и названными отеческими сочиненіями. Такъ наставленіе о почитаніи родителей представляется заимствованнымъ изъ Слова святыхъ отецъ, како дѣтемъ чтити родителей; правило объ отношеніяхъ къ рабамъ — изъ Слова Іоанна Златоуста, како имѣти челядь; запрещеніе роты — также изъ Слова Златоуста о кленущихся во лжу; мѣста о женитьбѣ, любодѣяніи и пьянствѣ — изъ Слова святыхъ отецъ о женитьбѣ и любодѣяніи; наставленіе о нощной молитвѣ — изъ Слова Златоуста, како востати въ нощи молитися, и проч. Слова эти сами по себѣ также содержатъ много указаніи на русскіе нравы, хотя въ тоже время не безъ основанія называются отеческими, потому что мысли въ нихъ заимствованы изъ отеческихъ сочиненій, а нѣкоторыя изъ нихъ походятъ на такія же передѣлки отеческихъ сочиненій, о которыхъ мы сказали выше. Сборники отеческихъ сочиненій, какъ извѣстно, были главными книгами, которыя предки наши постоянно переписывали, читали и изучали. Составляя свои поученія, слова и посланія, они весьма часто заимствовали изъ нихъ духъ и мысли, а нерѣдко и самыя выраженія; а переписывая или дѣлая выборъ изъ отеческихъ сочиненій, они вставляли собственныя размышленія. Отъ того въ древней письменности мы встрѣчаемъ множество словъ и поученій, весьма сходныхъ между собою, названныхъ отеческими сочиненіями, но въ тоже время отличающихся чертами русскихъ нравовъ, русскаго склада и воззрѣнія.

Слово святыхъ отецъ како жити крестьяномъ [3].

Нынѣ любимии ученія слышите. имѣйте прьвие страхъ Божій въ сердцахъ вашихъ. и къ церкви будите востанівіи всегда. та бо оцыщеніе есть грѣхомъ. въ церковь вшедше стойте сбоязнію ні скимъ не бесѣдуя. но о своихъ грѣсехъ печалуй. а чюжихъ не пытай. и смирение мытарево имѣйте. гордости фарисейския бѣгайте. наипаче же отца духовнаго слушайте. часто кнему приходите. и грѣхи исповѣдайте. кающихбося Богъ пріемлетъ и не таящихъ грѣхъ. мудрый паденіемъ своимъ не срамляется. а не разумный таитъ. аще бо человѣкъ каяйся грѣхъ своихъ помня. аще единъ утаитъ малу творя вину. и за тотъ будетъ осуженъ. яко бо птица въ силе увязнетъ. аще ни за главу ни за ногу. а за единъ ноготь. даже ся трепетавше и умретъ: тако и той человѣкъ. иже единъ аще утаитъ грѣхъ. тотъ ему тяжши всѣхъ будетъ. пакыже аще отець опитемью вы заповѣсть. то слюбовию пріемiе сохраните ю. всякъ бо грѣхъ сластію внидетъ. горестію же проженется. алканиемъ бо похотныя умертвите страсти. и утруди ти тѣло, имже еси согрѣшилъ. аще ли грѣхъ сотворше. исповѣсте его отцю. а еже отець заповѣсть [4]. того не творите. то сему подобни есте. яко на рати устрелятъ человѣка и стрела внемъ ся приломитъ. и егда кнему врача приведутъ. тогда разрѣзавъ язву. изметъ желѣзо. ащели зелія не приложитъ. исцѣлити не можетъ. ащели зелія не мощенъ будетъ трьпѣти. то по малу прилогати. дабы исцелити. тако и вы егда сотворите грѣхъ. той устрелилъ вы есть діяволъ. и грѣхъ въ васъ яко желѣзо есть. і аще отцю исповѣсте. отець же яко врачь хытрый изметъ отъ васъ яко желѣзо грѣхъ и язву опитеміею лечити начнеть. ащели правы опитеміи не возможетъ пріати. да поне малу. абы заповѣди Божіи не преступити. ни отча ослушатися велѣния. глаголаше бо Господь ученикомъ Своимъ. слушаяй васъ Мене слушаетъ. отметаяйся васъ. Мене ся отмещетъ. тако и нынѣ кто глаголетъ. Бога ся бою. и отца духовнаго не слушаю. ложь таковый естъ предъ Богомъ. и не можетъ спастися. а иже о причастіи. велико есть дѣло. апостолъ бо Павелъ глаголеть. аще кто не достоинъ причащается тѣла и крове Христовой. на пагубу приемлетъ себѣ и во грѣхъ. разумѣйте убо аще пріати хощете. и вся исповѣжь грѣхи духовному отцю отъ начала и до конца. аще отець противу грѣхомъ опитемію дастъ. сотвори то. и потомъ на добро спѣй. таже причаститися достоитъ. ащели не тако. то гóре дающему и пріемлющему тѣло и кровь Христову. лютъ судъ пріиметъ. зане не достойне пріатъ не разсмотривъ. епископа же и поповъ и діяконовъ и черьнцовъ и черницъ не мозите осужати и ни вчемъ не зазрите имъ. но отнюдь любите ихъ. та бо вожеве къ Богу суть. глаголеть во апостолъ Павелъ. братие покаряйтеся старейшинамъ вашимъ. ти бо бдятъ о душахъ вашихъ. яко слово имъ воздати о васъ. тѣмъ за ны дати отвѣтъ. пачеже черньцемъ честь твори и чернаризицамъ. давай же имъ требе. вся бо та акы Богу вруцѣ влагаеши. ащели печаленъ еси. то иди въ келію ихъ. да тя утѣшатъ. наипачеже своему князю пріязнь имѣй. а не мысли зла нань. глаголеть бо Павелъ апостолъ. отъ Бога власти всяки устроены суть. рече бо. Бога ся бойте. а князя чтите. аще бо властелемъ кто противится. то Божію суду повиненъ есть. повелѣнію бо противится Божію. родителя же отца и матерь чти вельми. рано и вечеръ поклоняйся има. а не оскорби его ни вчемъ. не можеши бо родити его. и такоже о нею болѣти. якоже óна о тебѣ. тогда бо сынъ свободь. егда кости родителю спрячетъ. братію же люби и весь родъ свой. аще кто скуденъ въ роду. давай же имъ требе. святый бо Іоаннъ Богословъ глаголеть, аще кто рече Бога люблю. а брата своего ненавижю. ложь есть. истины въ немъ нѣстъ. и самъ бо Господь о семъ глаголетъ. възлюбиши искренняго своего яко самъ ся. не иже породу ближній. но всякаго вѣрна. а се лицемѣрія не любовь есть. богатыхъ стыдѣтися и убогихъ озлобляти. чюжи наделяти сироты. а своихъ скръбны оставити. и родъ свой въ недостатцѣхъ голодніи и нази. и рабы и рабыня въ наказаніи имѣйте вѣрнемъ. и довольная имъ исполняйте. и не безчествуйте ихъ. ти бо человѣцы таціи же. на послуженіе вамъ Богомъ дани суть. аще не довольно даси имъ. они крадутъ и разбиваютъ. тобѣ отвѣтъ предъ Богомъ дати за то. аще и убиютъ котораго ихъ. достоитъ бо вамъ и душами ихъ печаловати. Божію закону учити. на добро приводити. на покаяніе нудити. вы бо игумени есте своимъ домомъ. да аще кто у васъ беспокаянія умретъ. или не крещенъ. вамъ за ты души отвѣтъ предъ Богомъ дати. а другы имѣй себѣ таковы. иже не вся глаголимая тобою хвалятъ. но правымъ судомъ отвещаютъ. а то бо есть недругъ, аще и зло что сотворишь ты и неправду глаголешь. а онъ все хвалитъ. то ласковцы свѣта сего и душамъ губители. потщи же ся любимиче. дабы имя твое во святей службе во церкви поминаемо было въ мольбахъ к Богу. много душѝ пособия всемъ есть и велика польза. и о семъ разумѣй. аще который человѣкъ скимъ прю имать и яко пойти ему предъ князь или предъ судію. вельми молится близь князя сущимъ и мьздится дабы оправили его. колми паче священницы молятся небесному Царю. Ему же по вся дни и по вся часы согрѣшаемъ. не имѣй же паче всего гордости величанія ни въ сердци ни во умѣ. яко исперва гордости ради ангелы въ бѣсы претворилися. да аще братие ангелъ не пощадитъ Богъ. кольми паче намъ люто будетъ. аще гордимся. паче всего смиреніе имѣйте. смиренна бо человѣка ангеломъ Богъ нарицаетъ. на кого бо рече Господь призрю. на смиреннаго и молъчаливаго иже Моихъ слушаетъ словесъ. и Мою творитъ волю. и паки во святѣмъ Евангеліи Господь рече. не осужайте. да не осужени будете. осужаяй бо брата своего согрѣшьша антихристъ есть. а размыслите и сами братие. аще кто зло сътворитъ. намъ отвѣта предъ Богомъ не дати за него. но ктоже о своихъ грѣсехъ отвѣщаетъ. смерть же всегда си на умѣ держи. вси бо есмы смрьтни и умрети имамы аще не днесь ино заутра. сдѣже никтоже насъ не пребудетъ. надъ умершая ходи и проводи я до гробу. и целуй я. яко та чаша всѣхъ насъ ждетъ. и пойти въ той путь всѣмъ. и холостымъ же глаголю. не творите блуда. но законно женітеся. и своя комуже имѣти жена. апостолъ бо Павелъ вопиетъ. паче же и Христосъ Павломъ глаголеть. блюдитеся блуда. всякъ бо грѣхъ. еже сотворитъ человѣкъ. опрочѣ есть тѣла. а блудяй тѣло свое оскверняетъ. а душю губитъ. слышите о женитве тойже апостолъ глаголеть. чиста женітва честна. ложе не скверно есть. благословлено есть. а любодѣемъ судить Богъ и прелюбодѣемъ. аще бо отрокъ ся оженитъ. той нѣсть согрѣшилъ. дѣвица же аще замужъ идетъ. нѣсть грѣха ей. женитва Божій есть законъ. а блудъ безаконіе проклято. три бо сіа врьсты въ человѣцехъ суть. дѣвьство бракъ блуженіа. дѣвьство славно. ангеломь есть равно. и самъ Христосъ дѣвьству похвала. а женітва мнѣе того. а безъ грѣха совокупленіе по закону. яко речено есть. блудъ же многи души гýбитъ и вмуку вѣчную сведетъ. а хотящии же дѣвьствовати. не токмо тѣло имъ удрьжати отъ грѣха но и мысли. аще кто мысльми распаляеть. то луче таковымь женітися есть взаконъ. аще ли кто мысли стѣломъ удрьжитъ. тотъ великъ есть и ангеломъ равенъ. аще ли кто вмыслехъ согрѣшаетъ. луче таковому женітися. неже всегда мысльми распалятися. женітва бо Богомъ взаконена есть. а женатымъ запрещаю не азъ но Господь женамъ отъ мужа не разлучатися. ни отъ женъ мужемъ. развѣ любодѣянія и вины. или смерть разлучитъ. Господь бо къ жидомъ глаголаше. яже совокупи Богъ. человѣкъ да не разлучаетъ. того бо ради жену есть поиялъ. а она такоже, будета же во едину мысль оба. да аще жено воздержатися хощеши. прьвѣе съ мужемъ ся свѣчай. да тіи два будета вѣнца. единъ въздержанія а другый любви а не гнѣва и свара. аще бо ты ся воздержиши. а онъ помысломъ палимъ есть. которой успѣхъ тобѣ половиною тѣломъ Бога молити. а половиною гнѣвати. самъ бо Господь повелѣлъ и взаконилъ женітву честну. того ради по слову съ женами своими творите. вся бо братие велено намъ по заповѣди святыхъ творити. да не вотще будетъ трудъ нашъ. мнози бо воздержатся мужи. имущи жены не цѣлоумныи. иніи же чрезъ волю женъ своихъ блудятъ. и то любодѣйство есть. того ради апостолъ Павелъ глаголетъ. кождо свою жену да имать. и жена своего мужа. вхожаше бо апостолъ Павелъ въ домъ вѣрныхъ. и сѣдъ на одрѣ учаше мужи и жены глаголя. не лишайте себе съвѣщаніа. но по слову все творите... си же словеса не суть моя но Златоустаго Іоанна. паче же апостольска. не блудите отъ женъ своихъ съ чужими. ни жены отъ своихъ мужовъ. да на вы казнь отъ Бога не пріидетъ. и на чада ваша. горше же есть еже преступити крестное целованіе. или накриве [5] кто Богородицю святую целуетъ. или иного святаго. и не кленитеся именемъ Божіимъ. ни главою своею. да не на насъ сбудется. еже Господь рече. си человѣцы ротою [6] Мя знаютъ. сего бо ради пророкъ Захариа видѣ. серпъ огненъ идущь на землю съ небеси. и о семъ моляшеся Богу. да ему проявитъ. и пріиде къ нему гласъ глаголющь. си серпъ Божіи есть гнѣвъ. на тѣхъ посылается. иже ходятъ ротѣ. да пожжетъ и искоренитъ домъ ихъ. а душа ихъ не гасимому огню предастъ. того ради не ротитеся именемъ Божіимъ. ни инѣхъ ротѣ водите. да не погибнете злѣ за то. наипаче же убогыхъ наделяйте. колико по силе мога. корми и одѣвай. творя же милостыню внимай. еда не правдою будетъ собралъ. милостыню бо неправедная подобна сему. яко бы отецъ зрѣлъ сына закалаема. коль зло ему. тако Богу зло есть зрѣти. аще чюжимъ кто милостыню дѣетъ. луче таковому не творити тѣхъ бы помиловалъ. а не грабилъ. отъ праведнаго же стяжаніа дая той великъ есть предъ Богомъ. по силе дай. отъ многа дай много. а аще мало. дай по силе. якоже вдовица óна вдавши двѣ мѣдницы. больши богатыхъ похвалена предъ Богомъ есть. тако всякъ отъ своея силы дая милостыню. мзду безмѣрну пріметъ многу во царьствии. человѣка же не привечавъ не мини. и не стыдися честнѣйшимъ собѣ главы поклонити. и старейшимъ повинися. то бо все честь Богу есть. а иже о питіи и о яденіи. апостолъ Павелъ глаголетъ. аще ясте и пиете все во славу Богу творите. святии бо отцы не возбранили нашъ пити и ясти въ подобно время [7]. но отрекли объядения и пьяньства. и о семъ разумѣйте. аще чрезъ силу подъемлеть что человѣкъ. борзо ся вередитъ. тако яденіе и питіе лишнее. тѣлу есть немощь. а души пагуба. еже въ подобно время. въ мѣру яденіе и питіе. тѣлу здравіе есть и веселіе. наипачеже болящая присещай и неси яже имъ требе. къ сущимъ въ темницѣ дойди. и виждь ихъ беду. рци во сердци своемь. о како сии за единъ грѣхъ отъ земныхъ властелей пріали. а иніи оболгани. а мы что сотворимъ. егда станемъ предъ небеснымъ Царемъ. безчисла имущи согрѣшенія. всего же болѣ имѣй любовь. съ богатыми и со убогими. се бо лицемѣрная любовь есть. еже богатыя любити. а сиротъ озлобляти. не мозите братие укорити слѣпа хрома безродна немощна. безродная бо міра убогія и немощныя избра Богъ больши богатыхъ. да отнюдь не укаряйте созданіа Божіа. но и собѣ внимайте. но и се слышите. егда кто васъ пиръ творитъ. братиа и други зоветъ. или кто князя. или властеля. то свѣта сего честь. зовиже убогые. колико мога по силе. и отъ Бога мзду пріимеши онамо. а здѣже честь отъ человѣкъ. резоиманіа же останися. святый бо Павелъ лихоимца съ блудникы наименуетъ. не имущимъ нужа будетъ люта. давайте убо взаимъ. но не отягчайте лихвою. по шести рѣзанъ на гривну емлите. да не будете осужени рѣзоимъства ради. рѣзоимьство бо идолослужителю подобно. иже емлетъ много. пакы же аще умѣешь книгы. по вся дни прави нощныя и дневныя часы. вечерню и утреню и литургию [8]. ащели не умѣетъ кто. да ходите по вся дни къ церкви въ годъ пѣнія. аще бо человѣкъ мольбы къ Богу и часъ пѣнія правитъ. таковый мзду многу отъ Бога пріиметъ. раннаго же питія и яденія бѣгайте. иже бо рано упиется человѣкъ день ему весь нощію есть. блюдитежеся и срамословия и глумленіа. Соломонъ бо премудрый глаголетъ. неподобная реченіа добрая губитъ. а глумленіа похоти прилогаетъ. пакыже отъ піяньства удрьжитеся. глаголетъ бо апостоль Павелъ. не упивайтеся въ піяньство. многа бо злоба во мнозе питіи. въ піяньствѣ бо сокровены суть 4-е лукавы духи. 1 на зло помыслъ. 2 распаленіе на блудъ. 3 неудрьжаніе на сваръ и на бой. 4 всякъ грѣхъ злый во піяньствѣ совершается. аще когда рече піете. мало пійте. Божіимъ страхомъ востязающеся. ащели во играхъ и во глумленіи. то страхъ Божій отходитъ. и ангелъ отбѣгаетъ хранитель смрада ради піяньственнаго. бѣсъ же приходя злобы насѣваетъ и приступаетъ безстудство и злыя грѣхи. бываютъ бо пря и свары. гнѣвъ рожающи. клеветами обіяты. во піяньстве бо вся бываютъ тайны открываемы. и старость въ неуставъ часто упивающимся. и погыбель преже времени. Іоиль пророкъ именуетъ піяньство самовольнымъ бѣсомъ. яко нашимъ изволеніемъ бываетъ въ насъ. добро есть по малу пити. яко бо земля згода напояема. что всѣяное въ ней сѣмя. съ прибыткомъ возвращаетъ. а многыми тучами умочаема. терніа токмо и былия роститъ. тако и сердечная земля. аще и по малу приемлетъ питіе. то вся мысли благыя плодитъ. ащели многымъ размокла питіемъ. то вся злыа наноситъ мысли. многое питіе мало даетъ смыслити. и стрезвѣйте упивающися. да не внидете впагубу. по смерти же вмуку вѣчную. аще кто отъ васъ братие. или монастыря кормить. или на литургію раздаетъ. и воздвигнетъ діяволъ того дни въ дому его пѣсни мирьскыа. то нѣсть пріатна Богу мольба зань. и ни вочто ся не вменить толико издаваніе и трудъ. сатана бо обрадовася о играхъ. тѣмъ блюдите того любимии. прьвіе пиру часть душевную очравди. да не вотще трудишися. еже многое собрати имѣніе. того ся хабите. яко бо валове моря корабль топятъ. тако богатіе многое душю губитъ. аще скупостію омрачится събравый. глаголеть бо златословесный. горѣе піяниць есть богатый. піяный бо ся проспитъ. а богатый всегда умомъ піянъ. о грѣсехъ печали не имать. но точію собрати много. на Бога не уповаетъ. многое берый имѣніе. творится онъ единъ уменъ. се же богатыа и скупыа укоряю и безчествую. а тѣхъ блажю. иже во праведнемъ богатии и добрѣ живутъ. якоже и питіе умнымъ есть на веселіе. а безумнымъ души на погыбель. тако и богатство на двое же разлучено есть. умнымъ на спасеніе. а не разумнымъ на пагубу и муку вѣчную. лѣпо ны пророка Давыда слово воспомянути. събираетъ и невѣсть кому събираетъ. блюдитежеся и плясаніа и гусли и сопѣли и сатаниньскыхъ пѣсней. и позорищъ всѣхъ. таковая бо творящи. діяволу работающи. уклоняйжеся многоглаголанія. глаголеть бо апостолъ. во мнозе глаголаніи грѣха не убежиши. блюдитежеся и возрѣніа на лица женьска. яко тѣ и святыхъ соблазниша, не бесѣдуй съ мужатицами. яко не вси жены добри нравы. се же не хуля глаголю о женахъ. но блюдитеся діяволя сѣти. а зрѣнія пакости не творите. аще и крѣпцы есте. не глаголите же и лжи. то бо прьвие есть грѣхъ. діяволъ Еввѣ въ раи солга. и весь міръ смерти преда. да аще лжетъ кто. діяволу есть совѣтникъ. зависти же и ревности бѣгай. и не мози порадоватися. егда на друга найдетъ печаль. но поскръби о немъ и утѣши и. глаголеть бо святое писаніе. съ веселящимися веселися съ скорбящими поскръби. блюдижеся и татьбы. и мъзды имáти по криву. и запрѣніа чюжаго имѣнія. то бо и здѣ срамъ есть. а вбудущіи вѣкъ мука вѣчная. ащели кто помощь обидимымъ творитъ. то вельми полезно есть предъ Богомъ. той ся наречетъ сиротамъ отець. блюдижеся и душегубъства. то бо вельми люто. аще злато человѣкь погубитъ. то ино обрящетъ. аще не обрящетъ. за то ему нѣсть мукы. а иже душю погубитъ. осуженъ будетъ люте. одва тяжкыми опитеміами. и жестокымъ житіемъ. покаяніемъ отъ сердца. тружаяся милостынями и покланяніемъ. того оцыститися могутъ. душегубьства же различна суть. не едино то. еже убити человѣка. но и се. еже не по винѣ челядь казнити. и не по силѣ дѣломъ. или наготою и гладомъ. или должника рѣзы насиловати. они же ли удавятся. или потопятся. или въ поганыа забѣжатъ. или свою жену не праздну дитятемъ или рабу бити не подобно. они же дитя извергутъ. всему тому правила святіи отцы положили. внегда же спати ложася. то не прегрѣши ни единоя нощи не кланявся. но елико мога по силе молися Богу. тѣмъ бо поклоняніемъ побежаетъ человѣкъ діявола. и тѣмъ грѣхъ избавляется. еже дни того согрѣшилъ. и о семъ глаголю ти. востанемъ нощію. аще и не многи сотворити мольбы. да поне едину сотворилъ молитву. нощь бо на двое разлучена есть. тѣлу на покой. и душѝ на спасеніе. ащели есмы ленівы мольбы внощь творити. то нѣсть мощно лѣностно живущимъ спастися. аще не тружаемся тѣломъ. имже есмы согрѣшили. апостолъ Павелъ взаконяа рече. вѣрнии мужи и жены. утромъ воставши отъ сна. прьвы всѣхъ дѣлъ умывшися мольбы къ Богу да творятъ. аще кто наученъ слову Божію. да благовѣрно отправятъ утреннее и часное пѣніе. первие дѣла сотворите убо сіа. да Господь благословеніе свое на вы послетъ. и миренъ вы подастъ животъ. а онамо Царьство Небесное. егда же молишися Богу. всяку лжу и клевету остави. и гнѣва не имѣй. ащели злобъ ся не оставишъ. то безума трудишися. моляся вотще. аще гнѣваяся. писано бо есть. прощая прощенъ будеши и ты. милуя помилованъ будеши. ею же мѣрою мѣрите. отмѣрится вамъ отъ Бога. а пощения никоегоже никогдаже ся лишай. постъ бо съ ангелы сравняетъ человѣка. среду же и пятокъ соблюдай честно. понеже въ среду бысть совѣтъ на убиеніе Христово. а впятокъ распятъ. духъ Отцю предасть. тоя ради скрьби крестіяномъ заповѣдано всреду и впятокъ постъ въ чистотѣ пребывати разве великихъ праздникъ. сотворяй убо сія. да на всяку недѣлю постъ твой идетъ къ Богу. молю вы любиміи печалуйтеся спасеніемъ душь вашихъ. доколѣ есмы живы и время имамы. воскоре житіе минуется. и вся внемъ временна суть и мечетна. у сихъ вдому бракъ творятъ. а инде бо мертвеца плачутъ. помале бо упиваются и играютъ. того ради печалуйте братие спасениемъ своимъ. и не мозите діяволу угажати. во святыя празникы лишатися святаго комканіа [9]. не мозите любимии плотны ради сласти святыня лишатися. но съ чистотою и любовію да пріимемъ тѣло и кровь Христову. аще бо заповѣди Божія соблюдемъ. то нѣсть міръ достоинъ противу намъ.

Примѣчанiя:

[1]
«Поученіе, избранно отъ всѣхъ книгъ, еже имѣти всякому христіанину страхъ Божій». Журн. мин. нар. просв. 1854 г., декабрь.
[2]
Онъ заимствованъ изъ тогоже Измарагда солов. библіотеки (№ 170), изъ котораго мы представили читателямъ уже нѣсколько поученій.
[3]
По языку и способу писанія предлагаемый списокъ принадлежитъ къ такъ называемой синкретической или смѣшанной рецензіи. Потому въ немъ древніе палеографическіе признаки перемѣшаны съ новыми знаками, входившими въ письменность въ XVI в.
[4]
запретитъ.
[5]
по не правдѣ.
[6]
клятвою.
[7]
благовременно.
[8]
Это, вѣроятно, такъ называемая Обѣдница.
[9]
святаго причащенія.

Печатается по изданiю: Памятники Древле-Русской духовной письменности: Слово святыхъ отецъ, како жити крестьяномъ. // Журналъ «Православный собесѣдникъ», Казань. – 1859 г. – Книга I. – с. 128-146.

Наверхъ / Къ титульной страницѣ

0