Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - вторникъ, 25 апрѣля 2017 г. Сейчасъ на порталѣ посѣтителей - 18.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ТВОРЕНІЯ РУССКИХЪ СВЯТЫХЪ

Преп. Ѳеодосій Печерскій († 1074 г.)
Слово о терпѣніи и о любви.

Многажды друзіи отгоними мною искушеніа ради, а не не останутся, дондеже получать святый тотъ даръ: то, что створю, невѣмъ убогый. Аще во умолчю, вашего ради роптаніа, угождаа вамъ вашеа ради слабости: то каменіе възъпіеть (ср. Лук. 19, 40). Не азъ бо то глаголю, но они, свѣтила вселенныа всея, истинніи стлъпи правыя вѣры, всадители, наставници всему доброму благонравію, вожди истинніи и свѣтила негасущая. Нынѣ бо печалуемъ и скорбимъ о инѣхъ Богоувидѣніи, о немже бы намъ радоватися и хвалу въздати благому Владыцѣ, иже въ первый на десять часъ пришедшимъ не похули ихъ опожденія (опозданія), но тужде мзду дарова имъ, юже изъ утра дѣлавшимъ; ропщющи бо на винограднаго владыку (Матѳ. 20, 1-16): друже, не обижю тебе, — не тако ли съвѣщахъ съ тобою, и не лѣть ли ми въ своихъ, яко же хощю? (Матѳ. 20, 13-15). Нынѣ же азъ, худый, въ умѣ пріемъ заповѣдь благаго Владыкы, се вѣщаю вамъ: Лѣпо бо бяше намъ отъ трудовъ своихъ кръмити убогыа и странныя, а не празднымъ пребывати, преходити отъ келіи въ келію. Слышасте бо Павла, глаголюща: яко ни гдѣ же ту ни (туне) хлѣба не ядохъ, но нощь дѣлахъ (2 Ѳес. 3, 8), а въ дне проповѣдахъ, и руцѣ мои послужиста си, мнѣ и инѣмъ: и паки: праздный да не ясть (2 Ѳес. 3, 10). Мы ничсоже того не сотворихомь. Аще бы не благодать Божіа приспѣла насъ, и кръмила боголюбивыми человѣки: что быхомъ сътвориси, на своя труды зряще? Да аще речемъ: пѣніа ради нашего, или поста ради, или бдѣніа, та намъ вся приносять, и за всѣхъ бо за приносящихъ ни единою поклонимся. Слышасте бо притчю о десяти дѣвъ мудрыхъ, а 5 несмысленныхъ. Вѣщеваеть бо святое Евангеліе: мудрыя же дѣвьство съблюдоша, и свѣтильникы свои украсиша (Матѳ. 25, 1-13) милостынями и вѣрами, и внидоша въ чрътогъ радостный, и никому же не възбраняющю имъ. Оныже буяя како нарекошася? Понеже дѣвьственую печать съблюдоша неразориму, и въ пощеніи и въ бдѣніи, въ молитвахъ стончиша (=утончили) плоть свою, масла же и милостыни не принесоша въ свѣтильницѣхъ своихъ душъ, и того ради изъгнани быша изъ чрътога, и тогда възыскаша продающихъ милостыня нищихъ, но не обрѣтоша; уже бо затворишася двери человѣколюбіа Божіа.

Да не лѣпо намъ есть, възлюбленіи, посылаемыхъ отъ Бога на пользу душамъ и тѣлесѣмъ нашимъ отъ Боголюбивыхъ человѣкъ, удержати себе, но и инѣмъ подати требующимъ. Луче бо, рече апостолъ, даяти, нежели взимати (Дѣян. 20, 35). Блажень, рече, разумѣваяй на нища и убога: въ день лютъ избавитъ и Господь (Псал. 40, 2). И пакы: блажени милостивіи, яко ти помиловани будуть (Матѳ. 5, 7). Да не уподобимся онѣмъ роптивымъ, иже чрева ради падоша въ пустыни, ни помышляемь бѣсовскихъ помышленій, иже всѣвають въ сердца наша неподобнаа, недающе намъ хвалы въздати Богу о всѣхъ благодатѣхъ Его, еже къ намъ. Слышите бо, въ что изыде роптаніе онѣхъ: не первѣе ли, егда ведяше я Моисей къ морю Чрьмному и столпомъ огньнымъ, облачномъ? И они, забывше онѣхъ казни, и елико сътвори имъ Богъ въ Египтѣ Моисеомъ и Аарономъ, не възъпиша ли на Моисея, чтó извелъ ны еси здѣ, да умремъ нынѣ въ пустынѣ сей? Не луче ли, да быша гроби наши въ Египтѣ были? Да егда проведе ихъ Богъ скозѣ Чрьмное море рукою Моисеовою, и врагы ихъ потопи, и пріидоша въ Мерры, и обрѣтоша ту горкыа воды, и пакы ускориша и забыша дѣлъ Божіихъ, възропташа на Моисеи, глаголюще: чьто піемь? се бо въвелъ ны еси въ пустыню сію безводную, неимущи никакояже утѣхи. И не ослади ли имъ Богъ горкыхъ водъ? То не осташа въ разумѣ. Но по тѣхъ всѣхъ чудотворныхъ (=послѣ чюдесъ) поклонишася телцю: то потребилъ бы я Богъ отъ лица земли? И пакы воду имъ ис камени источи, и хлѣбы имъ съ небесе дарова; до или похвалиша Бога безьблагодатніи = неблагодарные? Но начаша глаголати: егда подаваемъ отъ хлѣба иноязычникомь? И не отъ всѣхъ ны слово сіи есть, тайнѣ ропщющихъ; но того дѣля глаголю то всѣмъ, да не вси пріимуть, яко квасъ (какъ закваску) зло сребролюбна. Глаголаше: почто гыбель сіа бысть; можаше бо сему распродатися на мнозѣ и дати убогымъ (Матѳ. 26, 9; ср. Марк. 14, 5). И послѣдиже не продасть ли Іюда Учителя своего на тридесятѣхъ сребреницѣхъ? А самъ удавися (Матѳ. 27, 5).

И како ми не стенати и не тужити, любимици мои, и та вся слышаще въ васъ? И аще быхомъ глаголъ възглаголали ино пророческое слово: кто дасть главѣ моей каменіе и очима моима источники слезъ, да плачюся день и нощь дщере людій моихъ? (Іер. 9, 1). Удалихомбося въ пустыню, по писанію, и чаемь Бога, спасающаго насъ, и не изведе ли насъ накы изъ Египта, отъ міра въ пустыню сію безводную, не рукою Моисеовою, но благодатію Божіею? И что облиховани (поруганы) быхомъ, братіа моя и отци, что бо принесосте отъ имѣній своихъ на мѣсто се, или что азъ требовахъ отъ васъ, пріимая вы въ обитель сію и въ человѣколюбіе Божіе, что насъ лишеныхъ вся ли подасть намъ, молитвами святыа Богородица? Да тѣмъ молюся вамъ отъ всея душа моея, любимици мои, не пребываимъ въ дводушіи, да не прогнѣваемъ благаго Владыкы, якоже и они непокоривіи, но въздадимъ хвалу благому Владыцѣ, о иже тако о насъ смотрить, и вся намъ изобилія подаваеть, не помня немощей нашихъ. И длъжны есмы къ Нему глаголати оно Давидово слово: что есмы грѣшніи, Господи мой, Господи, о иже ты и насъ изъбра, и та вся намъ дарова? Смирихъбося, рече, спаси мя (Псал. 93). въ смиреніи нашемъ, помянулъ ны Господь, о Христѣ Ісусѣ, Господѣ нашемъ.

Источникъ: Слово святаго Ѳеодосія о тръпѣніи и о любви. // Памятники древне-русской церковно-учительной литературы. Выпускъ первый, содержащій поученія: Луки Жидяты, митроп. Илларіона, Ѳеодосія Печерскаго и Кирилла Туровскаго. — Изданіе журнала «Странникъ», подъ ред. проф. А. И. Пономарева. — СПб.: Типографія С. Добродѣева, 1894. — С. 35-37.

/ Къ оглавленію раздѣла /


Наверхъ / Къ титульной страницѣ

0