Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - пятница, 24 марта 2017 г. Сейчасъ на порталѣ посѣтителей - 8.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Расколъ Церкви XVII вѣка —» Источники

Грамата государя Алексѣя Михаиловича къ александрійскому патріарху Іоакиму, чтобы онъ, Іоакимъ, уступилъ патріаршую александрійскую каѳедру ея прежнему обладателю Паисію, находившемуся въ Москвѣ.

Бога истиннаго, свѣта присносущнаго и трисіяннаго, Егоже держава вѣчна и щедроты пребогаты милостію. Мы великій государь царь и великій князь Алексѣй Михайловичъ, всея Великія и Малыя и Бѣлыя Россіи самодержецъ, да титло полное.

Словесныхъ овецъ непорочнаго Агнца бесцѣнною кровію искупленныхъ пастыреначальнику, архіерею пречестнѣйшему, святѣйшему и блаженнѣйшему папѣ и патріарху великого града Александріи a судіи вселенскому киръ..., небесныхъ и земныхъ благъ, въ разширеніе благочестія сугубаго, и благоденственнаго здравія отъ великаго и перваго Архіерея, прошедшаго небеса, Господа Іисуса Христа Сына Божія, со всѣми, на священныхъ злацѣхъ пасомыми тобою, сподобитися, любезнѣ привѣтствуемъ.

Премудрый онъ и приснопамятный во царехъ Соломонъ духомъ святымъ подвиженъ таковая провѣща изрядне: даждь премудру вину и премудршій будетъ, сказуй, праведному и приложитъ пріимати. Отче пречестнѣйшій и во мнозѣ совѣтѣ спасенію быти все множество (во Христѣ)...... вѣрныхъ познаваетъ быти. И мы убо, непобѣдимаго царя нашего и Бога Іисуса Христа силою, крестоносныя хоругви держаще, и о цѣлости святыя матери нашея Восточныя Церкве веселящія въ лѣпоту, яко прочимъ благочестія блюстителемъ, сице и вашей пречестности, яко мужу премудру и ко изъясненію правды благая ушеса приклоняющу, о благихъ напоминати долженствуемъ, долженствующе коегождо ко благимъ побуждати и совѣтъ неразгласный святыхъ совѣту вашей пречестности предлагаемъ: воспомянувъ пречестность ваша душеспасительный страхъ Божій и судъ оный нелицемѣрный, комуждо по дѣяніямъ воздающій, уступи нынѣ неправильно тобою держимаго престола, правильне нань поставленному, вышепомянутому киръ Паисію, святыя Александрійскія церкве правильному архіерею, да праведнаго гнѣва Божія яко мудрый мудре избѣжиши. Аще ли долга временна тяжестію обремененъ еси, мужу предобрый, пріиди любве ради Божія въ нашу богохранимую державу и пріимемъ тя яко ангела Божія, заповѣдь святыя любве совершивша, и помощію Божіею исполнимъ твоея святыни потребы яко же лѣпо, точію страха ради и любве Божія благаго нашего совѣта и любовнаго прошенія не презри. Извѣстно вѣдый всякаго грома гласъ Спасителевъ страшнѣйшій: кая польза смотренія, вѣщаше, не пріидохъ да послужать Мнѣ, но послужити и дати душу свою избавленіе за многихъ; оваго живодательная суть словеса сія вѣщающаго присно: хотяй въ васъ быти вящшій, да будетъ всѣмъ рабъ, Онаго страшнаго Владыки и перваго Архіереа и Судіи всѣхъ архіереовъ сія повелѣнія, иже воздастъ комуждо по дѣломъ, Его же крайнее незлобіе, о любви присно всѣхъ насъ и святымъ Его евангеліемъ и вещьми учащее и наказующее, пречестность твоя во умѣ носяй, яко мужъ премудръ, отъ благаго нашего совѣта не уклонися и оному святѣйшему киръ Паисію святыя Александрійскія церкве правильному архіерею престола его правилнѣ поступися, слыша трубы свѣтлѣйшій треблаженнаго Павла гласъ вопіющій: еже не лихоимствовати брата своего въ вещи и не своея, но ближняго пользы искати и симъ отъ царствія Божія себе не отдаляти. Что бо укорно сотвори мужъ онъ святый архіерей святѣйшій? сіе ли, яко любве ради Божіей и ближняго, толь жестокое и здравія своего озлобительное въ нашу державу путешествіе подъя? толь, болѣзненыя и едва стерпительныя отъ неистовнаго агарянска рода укоризны и напасти принесе? Коликая печаловная святая его ушеса тамо слышаша? коликія поты и труды въ различныхъ сключеніяхъ святое его тѣло претерпѣ? Но за сіа вящшія чести достоинъ есть мужъ онъ Божій, яко страстотерпець мужественный, а не лишенія престола, или коего либо озлобленія. Убо мужу пречестнѣйтій душу твою предъ престоломъ Божіимъ помилуй, и должный престолъ правильному оному архіерею совѣтне предлагаемъ попусти воспріяти, симъ бо и соблажняющихся о семъ твоемъ дерзновеніи утѣшиши и предъ престоломъ нелицемѣрнаго Судіи всѣхъ Бога нашего Іисуса Христа веліе дерзновеніе, яко исполнитель святыя Его любовныя заповѣди, воспріимеши, Ему же, истинной жизни нашея окормителю угаждая и служа, твори еже той заповѣда, и спасешися самъ и послушающіи тебе и о насъ молитствуй.

Печатается по изданiю: Проф. Н. Ѳ. Каптеревъ. Патрiархъ Никонъ и царь Алексѣй Михайловичъ. Томъ второй. Сергiевъ Посадъ: Типографiя Свято-Троицкой Сергiевой Лавры, 1912. – с. II-IV.

Наверхъ / Къ титульной страницѣ

0