Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - воскресенiе, 20 августа 2017 г. Сейчасъ на порталѣ посѣтителей - 12.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНЫЙ РАСКОЛЪ XVII ВѢКА

Грамата государя Алексѣя Михаиловича къ константинопольскому патріарху Меѳодію съ просьбою, чтобы онъ содѣйствовалъ возвращенію патріаршихъ каѳедръ, бывшимъ въ Москвѣ патріархамъ александрійскому Паисію и антіохійскому Макарію.

Предсѣдателю святыя восточныя церкве, священныхъ апостольскихъ престолъ намѣстнику, преблаженнѣйшему и благочестивѣйшему архіепископу Константинополя новаго Рима, пастыреначальнику престола Первозваннаго, первопастыремъ начальникомъ Христомъ благословеннаго, и вселенскому патріарху киръ Меѳодію, нелицемѣрныя любве глубокаго мира и твердаго постоянія во благочестіи церкве Христовы восточныя, здравія же и благоденствія вкупѣ и душевнаго спасенія отъ Господа Бога и Спаса нашего Главы нашея единыя святыя соборныя и апостольскіа церкве краеугольнаго нерукосѣчнаго Камени Іисуса Христа, всѣхъ окормителя, совокупившаго разстоящаяся естества воедино, со всѣмъ сущимъ вашея святыни подъ паствою стадомъ, священнаго же и мирскаго православнаго сословія, усердно сподобитися, привѣтствуемъ.

Божественный онъ и царскій, Божія слова Іисуса Христа Господа нашего, насъ ради вочеловѣчшагося, гласъ къ верховному во апостолехъ Петру сице провещати благоизволилъ есть: и ты возвращеся утверди братію твою: силу животодательнаго сего гласа изрядно вѣсть твое преблаженство, отче пречестнѣйшій, братъ бо отъ брата помогаетъ, яко градъ твердъ бываетъ. И понеже пресвятости твоея братъ, пречестный пресвятѣйшій и блаженнѣйшій папа и патріархъ великаго града Александріи и судія вселенскій киръ Паисій, по нашему прошенію и вашего преблаженства по соизволенію, съ престола своего толь долгое и многоболѣзненное нашея державы въ начальнѣйшій градъ сотвори путешествіе, не ради нѣкоихъ временныхъ вещей и суетныхъ, ниже собранія ради тлѣннаго имѣнія, но умиренія ради нѣкоихъ церковныхъ винъ, таковаго ангелоподобнаго мужа требовавшихъ, исправленія. И по толицѣхъ святыхъ своихъ и великихъ подвизѣхъ, архіерархъ онъ всесвятѣйшій, его же, яко ангела Божія словесъ насладихомся, его же яко живое добродѣтелей зерцало зрѣти сподобихомся, нынѣ правильне на свой архіераршескій святыя Александрійскія церкве престолъ возвратитися намѣряетъ, и въ хотящемъ его быти путешествіи и престола его архіераршескаго воспріятіи боголюбезныя твоего преблаженства помощи и братскаго утѣшенія требуетъ, еже обое, чрезъ вашея пресвятости благое разсужденіе, оному пречестному архіерею исполнено быти, желанія ради вышнія помощи, надѣемся. Слухъ бо дойде нашего царского величества во ушеса, отче пречестнѣйшій, яко на архипастырскій онаго вышеупомянутого архіерея, блаженнѣйшаго киръ Паисія, степень взыде самовластно нѣкій архіерей, забывъ страхъ архіерея превышняго и судъ страшный, по дѣломъ комуждо воздающій. Еже онаго архіерея на таковый престолъ возшествіе, аще по святымъ правиламъ сотворено есть, вѣсть добре пречестное твое архипастырство, яже святыхъ правилъ уряжденіе, христіанское исполненіе окормляти вседержительною рукою поставленный, желаемъ убо, отче всеблаженнѣйшій, да по священныхъ правилъ опредѣленіямъ вышеимянованному архіерею киръ Паисію престола его воспріятіе руководствуеши, и въ прочихъ его святыхъ требованіяхъ, яко лѣпо намъ христіаномь, помоществуеши, вѣдый онаго мужа священнолѣпнаго и многотруднаго между великихъ государствъ не враждотворца, но миротворца быти. Тщашася присно о спасеніи душъ человѣческихъ, елико бо во онаго брата твоего святаго архіерея утѣшеніе святыхъ твоихъ потовъ совнесеши, толико веліихъ мездъ у онаго, иже нашего ради спасенія воспріятою насъ ради плотію въ вертоградѣ потъ свой пречистый изліяти благоволилъ есть, насладишися. Ему же свѣту истинну, Іисусу Христу Богу нашему и Спасителю, просимъ святыя твоея архіерейскія молитвы да приносиши о насъ, и о нашей царицѣ, и чадѣхъ, и о всемъ христіанскомъ множествѣ, да тихое и безмолвное житіе поживаемъ предъ Спасителемъ нашимъ Богомъ, аже всѣмъ человѣкомъ хощетъ спастися и въ разумъ истинный пріити. Радуемся же веліею радостію слышаще ваше преблаженство, первопрестольнаго архипастыря во святыхъ архіерейскихъ подвизѣхъ пребывающа, многихъ ко спасенному пути наставляющи, многія слезы о спасеніи душъ человѣческихъ проливающа, многія поты, цѣлости ради церковныя, подъемлюща, и сими всѣми превышняго вашего подвигоположника увеселяюща, его же ради святыя любве и помощи усугубляемъ предложеніе, якоже лѣпо пречестному преблаженству вашему: помоществуй святѣйшему оному киръ Паисію, нужу многихъ похвалъ достойному, но и блаженнѣйшену оному и всесвятѣйшему киръ Макарію, Божія града Антіохіи и всего востока патріарху, иже по святыхъ своихъ трудѣхъ изъ нашея державы въ 6 день Іюня настоящаго лѣта къ воспріятію высокостепеннаго престола помощію Божіею пути вдадеся, идеже нощно и лѣпо преблаженства твоего вспоможеніе да сотвориши. Желаемъ: увесели, ваше преблаженство, насъ съ царицею нашею и чады и съ нашимъ, во Святѣмъ Дусѣ, отцемъ, преблаженнѣйшимъ и пресвятѣйшимъ братомъ вашимъ киръ Паисіемъ, папою и патріархомъ Александрійскимъ, и съ нашимъ во Святомъ Дусѣ отцемъ, святѣйшимъ братомъ вашимъ, Іоасафомъ, патріархомъ Московскимъ и всея Русіи, призрѣніемъ триѵпостаснаго нашего Свѣта и пресвятыя Богородицы покровомъ и всѣхъ святыхъ и вашими архиераршескими чистотными молитвами, въ царствующемъ градѣ Москвѣ во благоздравіи пребывати и въ будущая въ той же, вышеявленной непогрѣшимой надеждѣ, все упованіе пологати.

Данъ государствія нашего во дворѣ въ царствующемъ великомъ и преименитомъ градѣ Москвѣ, лѣта отъ созданія мира 7176, а отъ воплощенія Слова Божія 1668 мѣсяца августа 11 дня.

Печатается по изданiю: Проф. Н. Ѳ. Каптеревъ. Патрiархъ Никонъ и царь Алексѣй Михайловичъ. Томъ второй. Сергiевъ Посадъ: Типографiя Свято-Троицкой Сергiевой Лавры, 1912. – с. IV-VI.

Наверхъ / Къ титульной страницѣ

0