Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - суббота, 24 iюня 2017 г. Сейчасъ на порталѣ посѣтителей - 18.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-УЧИТЕЛЬНАЯ ЛИТЕРАТУРА

Славяно-русскій прологъ.
Часть вторая: Январь-Апрѣль.

МАРТЪ.
Слово Іоанна Дамаскина о причащеніи Тѣла Христова (25 марта).

Многи видимъ Христово Тѣло пріемлюща просто, яко же по прилучаю обычая, а не тако, яко достоитъ закономъ и помысломъ и умомъ чистымъ пріимати во святый постъ и и въ Пасхи время. Но достоитъ святый постъ въ чистотѣ соблюсти и совѣсть очистити и тогда причаститися, ибо нечистый недостоинъ есть пріяти отъ святыя трапезы Христовы Плоти. Разумѣй убо, яко иже ветхія пріобщающіися жертвы многи требоваху боязни и преочищахуся: ты же пріемлеши скверныма рукама и устнама Плоть и Кровь Христову безъ страха, ея же ангели трепещутъ. Времени убо ожидаеши, а вещь презираеши. Царя убо земнаго не смѣеши лобзати смрадными усты: досажденія бо то вещь есть, — то Царя ли убо Небеснаго облобызая смердя молиши? Не слышиши ли проповѣдника глаголюща: иже во оглашеніи — изыдите, и елицы иже не въ покаяніи, да не пріемлютъ? Мнози же божественныя сея жертвы единою лѣтомъ пріемлютъ иніи же дващи (дважды), иніи же многащи. Къ нимъ же намъ се слово, не здѣ же сущимъ токмо, но и къ тѣмъ, иже убо въ пустыни сѣдящимъ, они бо единою лѣтомъ причащаются, многажды же за два лѣта. То убо которіи пріемляютъ, иже ли единою, или многащи (много разъ) или рѣткажды (рѣдко), но иже съ чистою совѣстію и съ житіемъ неповиннымъ, таковіи присно да приступаютъ; аще ли не тацы, то ни единою. Почто же? Яко въ судъ себѣ пріемлютъ и во осужденіе и въ муку и въ томленіе. Тѣмъ же и священникъ провозглашаетъ, глаголя: святая святымъ, сирѣчь, аще есть кто святъ, да приступаетъ. Не просто рѣче: чистъ, но святъ; иже бо ястъ хлѣбъ сей и піетъ чашу недостойнѣ, повиненъ есть Тѣлу и Крови Господни (1 Кор. 11, 27). Ему же слава, нынѣ и присно и вѣки вѣкомъ.

Источникъ: Памятники древне-русской церковно-учительной литературы. Выпускъ четвертый: Славяно-русскій прологъ. Часть вторая: Январь-Апрѣль. — Изданіе подъ ред. проф. А. И. Пономарева. — СПб.: Типографія А. П. Лопухина, 1898. — С. 134-135.

/ Къ оглавленію раздѣла /


Наверхъ / Къ титульной страницѣ

0