Наследие Святой Руси. Памятники древне-русской письменности
 
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Наслѣдiе Святой Руси
-
Гостевая книга
-
Новости
-
Написать письмо
-
Поискъ

Раздѣлы сайта

Святые Кириллъ и Меѳодiй
-
Книги старой печати
-
Патерики и житiя святыхъ
-
Великiя Минеи Четiи
-
Церковно-учит. литература
-
Творенiя русскихъ святыхъ
-
Стоянiе за истину
-
Исторiя Русской Церкви
-
Церковный расколъ XVII в.
-
Исторiя Россiи

Календарь на Вашемъ сайтѣ

Ссылка для установки

Православный календарь

Новости сайта



Сегодня - суббота, 24 iюня 2017 г. Сейчасъ на порталѣ посѣтителей - 18.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

ЦЕРКОВНО-УЧИТЕЛЬНАЯ ЛИТЕРАТУРА

Синаксарь Кресту, въ недѣлю третію святаго и великаго поста.

Благослови, отче

Въ той же день, въ недѣлю третію поста, поклоненіе празднуемъ честнаго и животворящаго Креста, вины ради сицевы. Понеже, четыредесятодневнаго поста ради, образомъ нѣкіимъ и мы распинаемся, умерщьвляеми отъ страстей, горести же чювство имамы, унывающе и низъпадающе — предлагается честный и животворящій Крестъ, яко убо препокоя и утвержая насъ, и воспоминая страсти Господа нашего Ісуса Христа и утѣшая. Аще Богъ нашъ насъ ради распятся, колико намъ должно есть Его ради дѣяти. Облегчая же болѣзни нашя предложеніемъ Владычнихъ скорбей, и воспоминаніемъ и упованіемъ, еже Креста ради славы, яко Спасъ нашъ на Крестъ возъшедъ, прославися безчестнаго ради пребыванія и огорченія. Сице должно есть и намъ дѣяти, да и спрославимся Ему, аще и что стражемъ печално и инако. Яко же долгъ и остръ путь проходяще, и трудомъ отягчавше, аще гдѣ древо благосѣннолиствено обрящутъ, мало сѣдше почиваютъ, и яко убо юніи бывше прочее путь проходятъ. Тако и нынѣ въ постное время и прискорбныи путь и подвигъ, насадися посредѣ отъ богоносныхъ отецъ, живоносныи Крестъ, ослабу и покой намъ подая, благопотребныхъ же и легцѣхъ къ преднему труду утрудившихся устраяя. Или якоже есть о царевѣ пришествіи предъшествуютъ, якоже онаго знаменія и хоругви, таже и самъ приходитъ, радуяся о побѣдѣ и веселяся, совозвеселевая же въкупѣ, и еже послушное. Тако и Господь нашъ Ісусъ Христосъ, хотя елико неуклонно еже на смерть показати побѣду, и со славою предизыти воскреснаго ради дне, предпосла хоруговь Свою, Царское знаменіе — Животворящій Крестъ, обрадованія и покоя множайша насыщающа, и устаяя насъ готовомъ быти, и Самого того Царя воспріяти, и восхвалити свѣтло облистающа.

Посредѣ же четверодесятницы недѣли — зане горькому источнику подобна есть святая четверодесятница, сокрушенія ради и сущія намъ отъ поста горести и печали. Якоже бо онаго среду, божественныи Моисей древо вложи и услади его, тако и проведыи насъ Богъ умнаго Чермнаго моря, и фараона, животворящимъ древомъ крестнымъ услаждаетъ, иже отъ четверодесятодневнаго поста, горесть и печаль, и утѣшая насъ яко въ пустыни пребывающихъ, дондеже ко умному Іеросалиму возведетъ Своимъ воскресеніемъ.

Или понеже Крестъ, Древо Живота глаголется и есть, óно же древо посредѣ рая Едему, насажено бяше — прикладно и божественіи отцы, крестное древо посредѣ святыя четверодесятницы насадиша. Вкупѣ убо и Адамово лакомъство поминающе, вкупѣ же и еже онаго ради, сего древа отъятіе прописующе, и сего вкушающе не умираемъ, но паче оживляемся.

Того силою Христе Боже нашъ, сохрани насъ отъ лукаваго искушеніи, и Божественымъ Ти Страстемъ, и животворящему Воскресенію, поклонитися сподоби, четверодесятодневное благосвѣтле прешедшимъ поприще, и помилуй насъ, нынѣ и присно и вó вѣки вѣкомъ, аминь.

Источникъ: Тріодь постная. М.: Печатный дворъ, 7151 (01.12.1642). — Л. 384-385 об. [Печатана при царѣ Михаилѣ Ѳеодоровичѣ и патріархѣ Іосифѣ].

/ Къ оглавленію раздѣла /


Наверхъ / Къ титульной страницѣ

0